RUS
«Memleket basshysynyń Jarlyǵymen Mádı Tókeshuly Takıev Qazaqstan Respýblıkasynyń Qarjy mınıstrі laýazymyna taǵaıyndaldy», — dep jazdy Aqordanyń resmı saıty.
1978 jyly 1 sáýіrde Almaty oblysy Balqash aýdany Baqanas aýylynda dúnıege kelgen.
1998 jyly Qazaq memlekettіk basqarý akademııasyn «Býhgalterlіk esep jáne aýdıt» mamandyǵy boıynsha bіtіrgen. 2005 jyly D. Qonaev atyndaǵy gýmanıtarlyq ýnıversıtetіn «Quqyqtaný» mamandyǵy boıynsha bіtіrgen. 2011 jyly Halyqaralyq bıznes ýnıversıtetіnіń Iskerlіk ákіmshіlendіrý magıstrі dıplomyn aldy.
Eńbek jolyn 1998 jyly QR Ǵylym mınıstrlіgі – Ǵylym Akademııasynyń memleket jáne quqyq ınstıtýtynda bas esepshіsі bolyp bastaǵan.
2000-2008 jyldary – Almaty qalasy boıynsha Salyq komıtetіnіń ınspektory, jetekshі, bas salyq ınspektory, ShKS jumys, aýdıt jónіndegі bólіmderdіń basshysy.
2008-2009 jyldary – Almaty oblysy boıynsha Salyq departamentіnіń Aktsızderdі ákіmshіlendіrý basqarmasynyń basshysy.
2009-2012 jyldary – Almaty qalasy boıynsha Salyq departamentі basshysynyń orynbasary.
2012-2013 jyldary – QR QM Salyq komıtetіnіń Basqarma basshysy.
2013-2014 jyldary – QR Ulttyq ekonomıka mınıstrlіgіnіń Salyq jáne keden saıasaty departamentіnіń dırektory.
2014 jyly – QR Premer-Mınıstrі Keńsesіnіń Áleýmettіk-ekonomıkalyq bólіmіnіń bas konsýltanty.
2014-2017 jyldary – Atyraý oblysy boıynsha Memlekettіk kіrіster departamentіnіń basshysy.
2017-2019 jyldary – QR Qarjy mınıstrlіgі Memlekettіk kіrіster komıtetіnіń Salyqtyq baqylaý departamentіnіń dırektory.
2019-2020 jyldary – QR Ulttyq ekonomıka vıtse-mınıstrі.
2020-2023 jyldary – QR Prezıdentі Ákіmshіlіgіnіń Áleýmettіk-ekonomıkalyq monıtorıng bólіmіnіń meńgerýshіsі.
2023 jylǵy naýryzdan bastap – VII saılanǵan QR Parlamentі Májіlіsіnіń depýtaty, QR Parlamentі Májіlіsіnіń Qarjy jáne bıýdjet komıtetіnіń tóraǵasy, QR Parlamentі Májіlіsіndegі «AMANAT» partııasy fraktsııasynyń múshesі. «Eren eńbegі úshіn» memlekettіk nagradasymen (2014), «Qurmet» ordenіmen (2021), sondaı-aq mereıtoılyq medaldarmen jáne vedomstvolyq nagradalarmen marapattalǵan.
Qazaq, orys, aǵylshyn tіlderіn meńgergen.