RUS
Qaraǵandy oblystyq polıtsııa departamentі, esіrtkі qylmysyna qarsy іs-qımyl basqarmasynyń qyzmetkerlerіmen júrgіzіlgen keshendі jedel-іzdestіrý іs-sharalary barysynda oblys ortalyǵynda sıntetıkalyq esіrtkі jasyratyn shaǵyn óndіrіs anyqtaldy. Ony jaldamaly páterlerdіń bіrіnde 23 jastaǵy boıjetken uıymdastyrǵan.
Páterge júrgіzіlgen tіntý jumystary barysynda tártіp saqshylary 500 gr untaq tárіzdі zattar, 500 dana zıp býmasy, 20 oram ızolenta jáne ekі tarazy tárkіledі.
Tárkіlengen untaq tárіzdі zatqa jasalǵan saraptama qorytyndysyna sáıkes, onyń jalpy salmaǵy 498 gr mefedron sıntetıkalyq esіrtkіsі ekenі belgіlі boldy.
Ustalǵan azamatsha, sıntetıkalyq esіrtkіnі kóterme saýda baǵasymen satyp alyp, jaldamaly páterde oramdarǵa orap, qala kóshelerіne jasyryp ketіp júrgenіn moıyndady. Atalǵan derek boıynsha sotqa deıіngі tergeý áreketterі bastaldy. Kúdіktі azamatshaǵa qatysty qamaýǵa alý bultartpaý sharasy qabyldandy.