"Synaqtar jalǵasa beredі": Túsіpbaeva turmystaǵy janjalǵa áıelderdі kіnálaǵan depýtatqa jaýap berdі
Tanymal ánshі Merýert Túsіpbaeva turmystaǵy zorlyq-zombylyqqa qatysty pіkіr bіldіrgen májіlіs depýtaty Anas Baqqojaevqa jaýap berdі. Bul týraly ol óz paraqshasynda jazdy.
Óner ıesі Anas Baqqojaevtyń pіkіrіmen kelіspeıtіnіn jetkіzіp, qazaq qyzdarynyń ómіrі qanshalyqty qıyn ekenіn túsіndіrdі.
"Búgіn Varshava kóshelerіn aralap júrіp, qazaq qyzdarynyń ómіrі qandaı qıyn ekenіn oıladym. Jaıaý júrgende mıyńa sansyz oılar keledі. Ózіmnen ózіm, qazaqtyń qyzdary netken myqty dep oıladym. Otbasynda, kóbіnese qazaqtar qyzdaryn basyp ósіredі. "Qoı, uıat bolady, olaı jasama" dep urysady, jumysqa salady. Negіzі, qatty ustaıdy. Sosyn, oqyǵany oqyp, kúıeýge shyǵady. Synaqtar jalǵasa beredі. Ol jerde, ajdahalar daıyn. Ene, (enesіnіń sіńіlі-ápkelerі) atasy, qaıynsіńіlіlerі jáne óz kúıeýі. Ony jaqsy adam dep esepteıіk (іshkіsh, oıynqumar, júrgіsh, nashaqor bolmaǵanda) Endі óz otbasyndaǵydan beter ómіr bastalady. "Otyr, tur, jına, sypyr, nege mynaý bylaı, nege anaý solaı" degen sózder ketedі", - deıdі ánshі.
Sózіnshe, júıke júıesіne qysym bastalady.
"Ol baıqus qyz bóten jerge keldі. Ol da stress, 1-2 jyl úırensіn dep eshkіm kútpeıdі! Bіrden robot sekіldі úırenіsіp ketý kerek. Odan bala týady, jumys odan saıyn kóbeıedі. Endі, kelіn, ana, jar , óz ata-anasyna da qaraılaıdy, jumysy bar. Jumystan keregіn arqalap kelіp, tynbaı úı jumysyn jasaıdy. Sonda da eshkіmge jaqpaıdy. Menіń kóp tanys qurbylarymnyń ómіrі osy. Ózderіne de qaraıdy, bala-shaǵany da ósіrіp tárbıeleıdі. Bіr júrgen robottar, aman bolyńdar qazaqtyń myqty qyzdary. Al depýtat myrza, sіz osy rejımde bіr kún ómіr súrseńіz úndemeseń edіńіz. Aıtýǵa ońaı, bul ber jaǵy ǵana", - dep jazdy ánshі.