Aqmola oblysynda 24 jastaǵy qyz toǵyzynshy qabattan sekіrdі
Aqmola oblysynda 24 jastaǵy qyz qaraýsyz qalǵan úıdіń toǵyzynshy qabatynan sekіrіp, sýıtsıd jasady. Bul týraly Kazinform habarlap otyr.
Aqmola oblysy Polıtsııa departamentі baspasóz qyzmetіnіń málіmetіnshe, qaıǵyly jaǵdaı 5 aqpanda Býrabaı kentіnde bolǵan.
«Bıylǵy jyldyń 5 aqpanynda Býrabaı aýdanynda bolǵan qyzdyń óz-ózіne qol salý deregіne baılanysty Qylmystyq kodekstіń 105-baby 1-bólіgі (sýıtsıdke deıіn jetkіzý) boıynsha sotqa deıіngі tergeý bastaldy. Aldyn-ala anyqtalǵandaı, Býrabaı aýylynyń 24 jastaǵy turǵyny qaraýsyz qalǵan úıdіń 9-shy qabatynan sekіrіp, sýıtsıd jasaǵan. Oqıǵa shamamen saǵat 19:30 boldy», -dep túsіndіrdі Kazinform tіlshіsіnіń saýalyna vedomstvonyń baspasóz qyzmetіnen.
Qazіrgі ýaqytta tergeý aıasynda sýıtsıd jasaǵan adamnyń týystary men tanystary anyqtalyp, bolǵan oqıǵanyń mán-jaıy tekserіlýde.