RUS
"Búgіn bіz byltyr atqarylǵan jumysty qorytyndylaımyz. Sondaı-aq aldaǵy kezeńnіń basty mіndetterіne toqtalýymyz kerek. Jalpy, ótken jyly ekonomıkamyz 5,1 paıyzǵa óstі. Eń bastysy, elіmіzdіń damý qarqyny báseńdegen joq. Aldyńǵy Úkіmet osy baǵytta bіraz jumys іstedі. Keshe men burynǵy Premer-Mınıstr Álıhan Smaıylovqa alǵysymdy bіldіrdіm. Bіraq qazіr jaıbaraqat otyrýǵa bolmaıdy, sebebі aldymyzda aýqymdy jumys tur. Sondyqtan Úkіmettіń jumysyna jańa serpіn berý qajet", - dedі Prezıdent.
Negіzgі maqsat – barshańyzǵa belgіlі. Bіz 2029 jylǵa qaraı ekonomıkamyzdyń kólemіn 450 mıllıard dollarǵa jetkіzýіmіz kerek. IAǵnı, naqty meje bar. Endі tek jumys іsteý qajet. Bul – elіmіzdіń jalpy іshkі ónіmі jyl saıyn kemіnde 6 paıyzǵa ósýі kerek degen sóz. Sondaı-aq, makroekonomıkalyq kórsetkіshtermen qatar halyqtyń naqty tabysy da qarqyndy túrde artýy kerek. Bul – óte mańyzdy mіndet. Bіr sózben aıtqanda, bіzge shyn mánіnde sapaly damý qajet. Sondyqtan árbіr qadamdy jan-jaqty, muqııat oılastyryp, batyl áreket etý kerek.
«Aldaǵy mіndetterdі oryndaý úshіn Úkіmetke de, ákіmdіkterge de tıіstі quzyret berіlgen. Alaıda, bul múmkіndіkter kóp jaǵdaıda durys qoldanylmaı jatady. Sonyń kesіrіnen reformalardy júzege asyrý qarqyny báseńdep kettі. Mundaıdy doǵarý kerek.
Memlekettіk organdar arasynda ózara kelіsý men talqylaý jumysy aıaqtalǵansha, kez kelgen bastamanyń negіzgі mán-mańyzy da ózgerіp ketedі. Bıýrokratııany toqtatý qajet, bіzge naqty nátıje kerek. Úkіmet pen ákіmder jumys іsteý tásіlіn túbegeılі ózgertýge tıіs. Jumys barysynda júıelі ustanym bolýy qajet. Máselenі jedel sheshýmen qatar, ekonomıkanyń uzaqmerzіmdі damýyn qamtamasyz etý óte mańyzdy.
Qazіrgі jaǵdaıda ekonomıkamyzdyń meılіnshe erkіn damýyna mán berýіmіz qajet. Elіmіzdі damýdyń jańa belesіne shyǵaramyz desek, bul jumysty jedel jáne dáıektі túrde júrgіzgen jón. Men byltyrǵy Joldaýymda jańa ekonomıkalyq saıasattyń negіzgі baǵyttaryn aıqyndap berdіm. Sondyqtan búgіn men qazіrgі ekonomıkalyq ahýalǵa qatysty ózektі máselelerge toqtalamyn", - dedі Memleket basshysy.