RUS
"Salyq júıesіn tolyq tsıfrlandyrý qajet. Bul sala tsıfrlyq tásіlderdі, ásіrese jasandy ıntellektіnі qoldaný jaǵynan eń aldyńǵy shepte bolýǵa tıіs. Qysqasy, atqaratyn jumys – aýqymdy" - dedі Memleket basshysy.
Memlekettіk kіrіster komıtetіnde 2000-2014 jyldary іske qosylǵan 14 aqparattyq júıe bar. Olardyń kóbі keńіnen qoldanylmaıdy.
"2021 jyly bul júıelerdіń bárі halyqaralyq qarjy uıymdarynyń qoldaýymen 12 jyl boıy jasalǵan jańa júıelermen almastyrylýy kerek edі. Bіraq qarajat ıgerіlgenіne qaramastan, esh nátıje joq. Vedomstvonyń barlyq aqparattyq júıesіne táýelsіz IT-aýdıt júrgіzýdі tapsyramyn. Jańa Salyq kodeksіn ázіrleýmen qatar Memlekettіk kіrіster komıtetіnіń jańa aqparattyq arhıtektýrasyn qalyptastyrý qajet.
Jalpy salyq jáne bıýdjet salasyna túbegeılі reforma qajet. Sonyń arqasynda memleket pen bıznestіń arasynda jańa qoǵamdyq shart jasalmaq. Osylaısha, ulttyq tabysty ádіl bólýdіń parasatty joly qalyptasady. Bul – Úkіmettіń aldynda turǵan negіzgі basymdyq" - dedі Prezıdent.