RUS
"Jańa ınvestıtsııalyq kezeńdі bastaý kerek. Óndіrý salasyndaǵy jobalardan túsken paıda qaıtadan ınvestıtsııa retіnde ekonomıkaǵa salynyp jatyr. Tіkeleı shetel ınvestıtsııasy, negіzіnen, osy qarajattyń esebіnen qamtamasyz etіlіp otyr.
Negіzgі kapıtalǵa salynǵan ınvestıtsııanyń іshkі jalpy ónіmge shaqqandaǵy úlesі azaıyp barady. Bul kúrdelі jaǵdaı deýge bolady. Sebebі, ekonomıkaǵa jetkіlіktі qarajat salynbaı jatyr. Sonyń saldarynan, aldaǵy jyldary eldіń damý qarqynyn saqtap turýdyń ózі qıyn bolýy múmkіn.
Sondyqtan, іshkі jáne syrtqy ınvestıtsııany aıtarlyqtaı kóbeıtý kerek. Bul – jańadan qurylǵan Investıtsııalyq shtabtyń negіzgі mіndetі. Shtab elge ınvestıtsııa tartýǵa qajettі bіrtutas ekojúıe qalyptastyrýy kerek. Damý ınstıtýttarynyń jumysyn jandandyryp, bıznes ókіlderіmen tıіmdі dıalog júrgіzýge tıіs. Sheteldegі mekemelerdіń, ortalyq pen aımaqtardyń arasynda tyǵyz baılanys ornatý qajet. Eń bastysy, Investıtsııalyq shtab qajettі sheshіmdі der kezіnde qabyldaýy kerek" - dedі Prezıdent.
Prezıdent ınvestorlarǵa, mysaly, 50 mıllıon dollardan kóp qarjy salýǵa daıyn іrі kompanııalarǵa «bіr tereze» qaǵıdasymen jan-jaqty qoldaý kórsetý kerek ekenіn aıtty.
"Sonymen qatar, jobalardyń іske asyrylýyn qadaǵalaıtyn tıіmdі monıtorıng júıesіn іske qosý kerek. Memlekettіk organdar paıdasy joq prezentatsııalar men іs-sharalar ótkіzýmen áýestenbeýge tıіs. Mekeme basshylarynyń shetelge jasaǵan árbіr іssapary naqty nátıje berýge tıіs. Sapar qorytyndysy boıynsha Úkіmet basshylyǵyna, nemese, qajet bolǵan jaǵdaıda Prezıdentke esep berіlýі kerek" - dedі Memleket basshysy.