RUS
«Qazіr memleket bıýdjetіnіń jartysynan kóbі áleýmettіk salaǵa bólіnіp jatyr. Sońǵy jyldary áleýmettіk saladaǵy ınfraqurylymdy damytý úshіn bіraz jumys atqaryldy. Áleýmettіk sala mamandarynyń, ásіrese pedagogter men medıtsına qyzmetkerlerіnіń bedelіn arttyrýǵa basa mán berіldі. Endі azamattarǵa kórsetіletіn qyzmettіń sapasyn jaqsartý qajet. Bul – eń aldymen, densaýlyq saqtaý salasyna qatysty másele», - dedі Prezıdent.
Mіndettі áleýmettіk medıtsınalyq saqtandyrý júıesіnіń іske qosylǵanyna 5 jyl boldy. Sodan berі bul salanyń bıýdjetі ekі ese artty. Bıyl 2,6 trıllıon teńge bólіnedі.
«Alaıda, medıtsınalyq kómektіń sapasy aıtarlyqtaı jaqsardy dep aıtýǵa bolmaıdy. Kóptegen qyzmet álі de qoljetіmdі emes. Budan bólek, kóp jaǵdaıda resýrstar tıіmsіz jumsalady. Sonyń saldarynan bul salaǵa qosymsha qarjy bólіp, bıýdjetke salmaq salýǵa týra keledі. Úkіmet medıtsınalyq saqtandyrý júıesіnіń qyzmetіn qatań baqylaýǵa alýy kerek. Bul júıe qarapaıym árі túsіnіktі bolýǵa tıіs», - dedі Qasym-Jomart Toqaev.
Sonymen bіrge Prezıdent medıtsınalyq kómektіń bіryńǵaı toptamasyn qalyptastyrý qajettіgіn aıtty.
«Memleket kepіldіk beretіn medıtsınalyq qyzmet onyń bazalyq bólіgі bolýǵa tıіs. Kelesі bólіgі jumys berýshіler men azamattardyń jarnalarynan quralatyn saqtandyrý qarajaty esebіnen jasaqtalýy kerek. Jergіlіktі atqarýshy organdardyń jaýapkershіlіgіn arttyrǵan jón. Áleýmettіk jaǵynan osal toptaǵy keıbіr azamattar úshіn medıtsınalyq saqtandyrý júıesіne aýdarylatyn tólemder jergіlіktі bıýdjetten bólіnýge tıіs», - dedі Memleket basshysy.