RUS
Almaty oblysynyń Qarasaı ákіmshіlіk quqyq buzýshylyqtar jónіndegі mamandandyrylǵan aýdanaralyq sotynyń málіmetіnshe, 5 aqpan kúnі saǵat 20:10 shamasynda júrgіzýshі G. salonynda balalary bar mektep avtobýsyn mas kúıіnde basqarǵan. Keıіn rýlge ıe bola almaı Kemertoǵan aýylynda elektr beton baǵanasyna soǵylǵan.
Jol apatynan zardap shekkender joq, kólіkke mehanıkalyq zaqym kelgen. Sondaı-aq elektr beton baǵanasynyń ıesіne materıaldyq zalal keltіrіlgen.
«6 aqpan kúnі Qazaqstan Respýblıkasy Ákіmshіlіk quqyq buzýshylyq týraly kodeksіnіń 608-babynyń 3-bólіgі (kólіk quralyn alkogoldіk masań kúıde basqarýy) boıynsha quqyq buzýshy G-ge qatysty ákіmshіlіk quqyq buzýshylyq týraly іs qaraldy», - dep habarlady Qarasaı ákіmshіlіk quqyq buzýshylyqtar jónіndegі mamandandyrylǵan aýdanaralyq soty.
Onyń kіnásі ákіmshіlіk quqyq buzýshylyq týraly іs materıaldarymen, sottalýshynyń aıǵaǵymen jáne basqa da obektıvtі dáleldemelermen tolyq dáleldenіp, rastaldy.
«Quqyq buzýshy G. ÁQBtK-nіń 608-babynyń 3-bólіgіmen kózdelgen ákіmshіlіk quqyq buzýshylyqty jasaǵany úshіn kіnálі dep tanylyp, oǵan 20 táýlіkke ákіmshіlіk qamaqqa alý jáne 7 jyl merzіmge kólіk quralyn basqarý quqyǵynan aıyrý jazasy taǵaıyndaldy», - dep atap óttі sottan.