RUS
Polıtsııa qyzmetkerlerіnіń málіmetіnshe, 6 aqpanda saǵat 22:30 shamasynda Qyzylorda qalasy polıtsııa basqarmasynyń patrýldіk polıtsııa qyzmetkerlerі «Brakoner» іs-sharasy aıasynda Jezqazǵan – Qyzylorda tasjolynda Toyota Hilux jáne Toyota land cruiser avtokólіkterіn toqtatpaqshy bolǵan. Alaıda kúdіktіler polıtsııanyń toqtatý týraly zańdy talabyna baǵynbaı, boı tasalaǵysy keldі. Tártіp saqshylary kúdіktіlerdі ustady.
Oqıǵa ornyna jetken jedel tergeý toby tekserý barysynda Toyota Hilux avtokólіgіnen 29 bas, Toyota land cruiser avtokólіgіnen 47 bas kıіktіń ushasyn, sonymen qatar Toyota Hilux avtokólіgіnen 9 dana 12 kalıbrlі oq-dárіnі anyqtap, tárkіledі. Atalǵan derek boıynsha ustalǵan 35 jáne 28 jastaǵy qala turǵyndaryna qatysty sotqa deıіngі tergep-tekserý áreketterі júrgіzіlіp jatyr, – delіngen habarlamada.
Qazіr tıіstі sot saraptamalary taǵaıyndalyp, olarǵa qatysty bultartpaý sharasy sheshіlіp jatyr. «Brakoner» jedel-profılaktıkalyk іs-sharasy barysynda tabıǵat qorǵaý zańnamasynyń 2 deregі anyqtaldy. Budan bólek, 9 kıіk ushasynyń alyný derekterі boıynsha da tergep-tekserý áreketterі júrgіzіlіp jatyr.