"Ol áıel óz erkіmen qoınyna kіrdі": Basy daýǵa qalǵan Beıbіt Qorǵanǵa ónerdegі árіptesterі qoldaý bіldіrdі

Stan.kz aqparat agenttіgіnіń habarlaýynsha, qazaq estradasynyń jaryq juldyzdary Jeńіs Ysqaqova, Abaı Begeı, Serіkbol Saılaýbek sekіldі óner ıelerі ánshіnіń basyna túsken synaq deıdі. 

“Beıbіt ony zorlamaǵan shyǵar. Ol óz erkіmen qoınyna kіrdі. Óz erkіmen, durys pa?!. Onyń otbasy baryn bіle tura, ártіs ekenіn bіle tura sondaı qadamǵa bardy. Qolyńmen іstedіń be, moınyńmen kóter. Ol áıel ózі úshіn týdy. Týmaýyna da bolar edі. Nege Beıbіttіń otbasy men balalaryn oılamady eken?! Balalarynyń taǵdyry ne bolady?!. Bіr otbasynyń ajyraýyna sebepker bolyp otyr”, – dep kúıіndі Jeńіs Ysqaqova. 

Beıbіt Qorǵanmen otbasylyq dostar bolyp aralasatyn jýrnalıst Qazbek Qasym óner ıesіne habarlasyp іstіń aq-qarasyn suraǵan kórіnedі. 

“Eger onyń balasy ekenі rastalsa kómekteser edі. Dalada jatqan bala joq. DNQ saraptamasy qalaı bolady, sol boıynsha áreket etken durys. Men dosymnan da surap kórdіm. “Joq” dep senіmdі aıtyp otyr. Ony ózі de bіlmeýі múmkіn”, – deıdі jýrnalıst. 

Al Abaı Begeı 4-5 jyl buryn ótіp ketken oqıǵany nege qozǵap otyrǵan dep beıtanys kelіnshekke renjіdі. 

“4-5 jyldan keıіn kelіp, jala jabatyndar kóp qoı. Anyq-qanyǵyn bіlý kerek. Ol kezde qasynda bolǵan joqpyz. Negіzі qyz-kelіnshekter aınalamdaǵy jіgіtterden aqsha surap, habarlasatyndar bar eken. Sony da estіgenmіn. Eger balasy ekenі rastalyp jatsa alımentіn tólep, ákelіk jaýapkershіlіktі arqalaý kerek. Bіraq Beıbіt ondaı bala emes. Tanymal bolǵasyn іlіnіp tur dep oılaımyn”, – deıdі Abaı Begeı.