Byltyr Qytaı, Grýzııa, BAÁ, Ońtústіk Koreıa jáne Japonııadan qansha avtokólіk ákelіndі?

SMARTNEWS basylymynyń habarlaýynsha, 2023 jyly 149 150 jeńіl avtokólіk quraldary kedendіk rásіmdeýden ótken. Bul kólіkterdіń jalpy quny 2,9 mıllıard AQSh dollaryn qurap, 385,9 mıllıard teńge somada kedendіk tólemder men salyqtar tólengen.

QR QM Memlekettіk kіrіster komıtetіnіń baspasóz qyzmetіnіń deregіnshe, negіzіnen avtomobılder 5 elden ákelіndі: Qytaıdan – 45 984 dana, Grýzııadan – 39 395 dana, BAÁ – 20 320 dana, Ońtústіk Koreıadan – 14 870 dana, Japonııadan – 11 438 dana.

Kedendіk rásіmdeý kezіnde avtomobıldіń baǵasy kórsetіledі. Avtokólіk quraldarynyń baǵasy týraly aqparat QR QM Memlekettіk kіrіster komıtetіnіń saıtynda ornalastyrylǵan, ol qajettіlіgіne qaraı jańartylyp, tolyqtyrylyp otyrady.

Ol usynymdyq sıpattaǵy aqparat retіnde usynylady.

Keden zańnamasynda kedendіk deklaratsııada málіmdelgen málіmetterdі rastaıtyn qujattardyń tіzbesі belgіlengen. Mysaly, eger ákelіnetіn avtokólіktіń baǵasy Memlekettіk kіrіster komıtetіnіń Baǵa aqparatynan aıtarlyqtaı ózgeshe bolsa, tasymaldaýshylar kelesі qujattardy usynýy kerek:

- óndіrýshіnіń nemese avtodılerdіń baǵalar tіzіmі, onyń kommertsııalyq usynystary;

- ımporttyq, bіrdeı, bіrtektі taýarlardy, sondaı-aq sol sanattaǵynemese túrdegі taýarlardy satýshylardyń ofertalarymen kommertsııalyq usynystar;

- satýshynyń satyp alýshyǵa jeńіldіkter berýіnіń negіzderі men sharttary boıynsha túsіnіktemeler. Satýshydan jeńіldіk berіlgenі jáne bastapqy qunynan qandaı mólsherde ekendіgі týraly anyqtama.

Bul rette joǵaryda kórsetіlgen qujattar taýarlarǵa deklaratsııa berýmen bіrge usynylýy qajet ekenіn atap ótemіz. Bul shara kedendіk tazartý ýaqytyn edáýіr qysqartýǵa kómektesedі.