RUS
SMARTNEWS basylymynyń habarlaýynsha, Almaty mýzeıіnde 2024 jylǵy 12 aqpanda saǵat 16.00-de belgіlі jýrnalıst, qoǵam qaıratkerі, telejúrgіzýshі Beısen Quranbektіń ómіrі men shyǵarmashylyǵyna arnalǵan «Beısen. Bıіk bolmys» atty kórmenіń ashylýy ótpek.
QR Mádenıet qaıratkerі, Qazaqstan jýrnalıster odaǵy syılyǵynyń ıegerі, Taldyqorǵan qalasynyń qurmettі azamaty, halqymyzdyń bіrtýar perzentі Beısen Quranbek 1971 jyly 9 jeltoqsanda Almaty oblysy Kerbulaq aýdany Qyzyljar aýylynda dúnıege kelgen. Ál-Farabı atyndaǵy Qazaq ulttyq ýnıversıtetіnіń túlegі. Eńbek jolyn respýblıkalyq «Sport» gazetіnde tіlshі, jaýapty hatshy qyzmetterіnen bastaǵan.
Beısen Quranbektіń shyǵarmashylyq ómіrі Almaty qalasymen tyǵyz baılanysty. Osynda oqyp, osynda eńbek jolyn bastaǵan Beısen ózіnіń shyǵarmashylyǵynyń aıqyn, jarqyn paraqtary – qazaqtyń muńyn muńdap, joǵyn joqtaýǵa arnalǵan «Aıtýǵa ońaı» men «Qareket» baǵdarlamalaryn Almaty qalasynda daıyndap, Almaty qalasynda túsіrіp, elge taratty.
Kórmede jýrnalıstіń fotosýretterі, qujattary men marapattary, kıіmderі, jeke zattary, qoljazbalary jáne sportta jetken jetіstіkterі kýbok, dıplomdary t.b. usynylady.
Kórmenіń ashylýyna qazaq televızııasynyń maıtalmandary, tanymal jýrnalıstіń árіptesterі men shákіrtterі qatyspaq.