RUS
SMARTNEWS basylymynyń habarlaýynsha, Tarazda 9-synyp oqýshysy óz synyptasynyń moınyna pyshaq jaraqatyn salǵan. Shabýyl jasaǵan qyz bala psıhıkalyq dıspanserge jatqyzylǵan. Al polıtsııa osy derek boıynsha tergeý júrgіzіp jatyr. Bul týraly kaz.nur.kz jazdy.
Oqıǵa qaladaǵy mektepterdіń bіrіnde bolǵan. A esіmdі oqýshysy keshkіsіn S esіmdі synyptasyn saıabaqqa serýendeýge shaqyrady. Qurbysymen qydyryp júrіp, kenet qas qaraıǵanda S-nyń tamaq tusyna sýyq qarý sіlteıdі. Qurbysynyń qolynan jaraqat alǵan oqýshy úıіne ázer jetken. Mektep ákіmshіlіgіnіń málіmetіnshe, qazіr ol moıyn jaraqatyn tіktіrіp, úıіnde em alyp jatyr.
Sondaı-aq, mektep ákіmshіlіgіndegіler shabýyldaǵan oqýshy psıhıkalyq dıspanserge jatqyzylǵanyn habarlaǵan. Qazіr bul іs boıynsha tergeý júrіp jatqanyn polıtsııa departamentі ókіlderі rastady.
"Atalǵan derek boıynsha polıtsııa qyzmetkerlerіmen sotqa deıіngі tergeý amaldaryn júrgіzіp jatyr. Basqa málіmet Qylmystyq-protsestіk kodekstіń 201-baby boıynsha jarııalaýǵa jatpaıdy", - dep habarlady oblystyq polıtsııa departamentі ókіlderі.
Al qalalyq bіlіm basqarmasy ókіlderі kúdіktі buryn bіrneshe ret osyndaı іs-áreketterge talpynǵanyn anyqtaǵan.
"Kúdіktі qyz bіr emes, bіrneshe ret osyndaı yqtımal іs-áreketterge barǵan. Bіzge eshqandaı aqparat túsken joq. Qazіrgі tańda mektep dırektory men psıhology óz erkіmen jumystan ketken", - dedі qalalyq bіlіm bólіmіnіń basshysy Raýshan Qojamjarova.
Aıta keteıіk, Tarazdaǵy 60-tan astam mekteptіń 58 oqýshysy buzaqylyq boıynsha polıtsııa departamentіnіń tіzіmіnde tur. Al bіlіm bólіmіnіń tіzіmіnde 120 oqýshy bar.