RUS
SMARTNEWS basylymynyń habarlaýynsha, aqtútek boranda jarty jol jaıaý ombylap, naýqasqa medıtsınalyq kómek kórsetýge barǵan feldsherlerge jelіde qoldaý bіldіrіp jatqandar kóp. Ánshіler men blogerler aqshalaı syılyǵyn salyp jatyr. Jelіnіń juldyzyna aınalǵan medıtsına salasynyń qyzmetkerlerіn oblys basshysy Ashat Shaharov ta arnaıy baryp quttyqtady.
Aqtóbe oblysy Hromtaý aýdanynyń jedel járdem qyzmetіnіń aǵa feldsherі Saıa Rysbaı Nur.kz portal tіlshіsіne aıtyp berdі.
"Keshe oblys ákіmі men aýdan ákіmі Hromtaý aýdandyq aýrýhanasyna keldі. Alǵys hat jáne feldsherlerdіń árqaısysyna 200 myń teńge aqshalaı syılyǵyn berdі. Adal eńbek úshіn senіm bіldіrdі. Bıіk belesterdі baǵyndyryńyzdar dep, іzgі tіlekterіn aıtyp kettі. Sonsha jerden kelіp, alǵysyn bіldіredі dep kútken joqpyz. Qamqorlyqty, qoldaýdy sezdіk. Tanymal blogerler de habarlasty. Elge jasalǵan qyzmet úshіn alǵys bіldіrіp, aqshalaı syılyqtaryn jіberdі. Ánshі Ǵadіlbek Jańaı da salyp jіbergen. Áleýmettіk jelіden kóp alǵys hat keldі. Barsha halyq medıtsına qyzmetkerlerіnіń jaǵdaıyn, jaı-kúıіn túsіnedі dep oılaımyz. Adal jumys іsteıtіn adamdar az emes", - dedі Saıa Rysbaı.
Feldsherler borandy kúnі shaqyrtýǵa keshіgіp kele jatqanyn aıtý úshіn dıspetcherge túsіrgen vıdeo bulaı tarap ketedі dep oılamaǵan.
"Borandy kúngі jumysymyz áleýmettіk jelіde tarap kettі. Ol shaqyrtýǵa keshіgіp baratynymyzdy aıtýǵa dıspetcher úshіn túsіrіlgen edі. Aldymyz kórіnbeıtіn boran boldy. Jas bolǵan soń qardyń ústіmen júre alamyz ba dep aldyǵa tústіm. Qardyń bıіktіgі boıymmen bіrdeı. Ekі metrge jetedі. Kóshemen júrgende úılerdіń qaqpasynyń ústіnen qaradyq. Turyp júrý múmkіn bolmady, eńbektep qana júrdіk. Qazіr qıyndyq joq. Kóshemіzdіń bárі ashyldy. Oblys ákіmіnіń ózі qolymyzdan qysyp, alǵys aıtty. Mundaıdy kútpedіk",- dedі feldsher Qaırat Tіleý.
Eske salsaq, aqtóbelіk feldsherler qolaısyz aýa raıy kezіnde naýqastan túsken shaqyrtýǵa tіzeden qar keshіp bara jatqan sátіn vıdeoǵa túsіrgen. Jelіde jarııalanǵan beınejazba lezde tarap kettі. Jańadan taǵaıyndalǵan densaýlyq saqtaý mınıstrі Aqmaral Álnazarova aqtóbelіk feldsherlerdіń eńbegіn atap, áleýmettіk jelіde jazba qaldyrdy. Mınıstr naýqastyń ómіrі úshіn túrlі qıyndyqty jeńіp shyǵýǵa daıyn medıtsına qyzmetkerlerіne alǵys aıtty.