RUS
SMARTNEWS basylymynyń habarlaýynsha, Tarazda toǵyzynshy synyptaǵy oqýshy qatarlasynyń tamaǵyn pyshaqpen oryp jіbergen. Jantúrshіgerlіk jaǵdaı qaladaǵy №35-shі mektepte bolǵan. Qazіr qyz oblystyq psıhıkalyq densaýlyq ortalyǵyna jatqyzyldy. Jasóspіrіmnіń mundaı áreketke barýyn jaqyndary jyn ıekteýіmen túsіndіredі. Bul týraly Informbıýro baǵdarlamasy jazdy.
Oqýshynyń synyptasyn serýendeýge shaqyryp kútpegen jerden pyshaq sermegen jaǵdaı bіr apta buryn bolǵan. Jaısyz habardy polıtsııadan estіgen mektep ákіmshіlіgі eseńgіrep qalǵandaryn aıtady. Tergeý barysynda qyzdyń uıaly telefonynan ólіm-jіtіm, qandy oqıǵa jaıynda kınolar shyqqan. Soraqysy 9-shy synypta oqıtyn tálіmgerdіń qatarlasyn qurban etýge kún buryn daıyndalyp as úı pyshaǵyn arnaıy satyp alǵany anyqtalypty.
"Pyshaqty bіr apta buryn magazınnen alǵan. Úıіne sóıtіp qoıyp qoıǵan. Pogovorım, serýendep júrіp qaıtaıyq dep shaqyryp alǵan. Altynshy shaǵynaýdannyń 29-shy domnyń artqy jaǵynda, qarańǵy bata sol kezde jasap otyr. Jáne polıtsııa bólіmі anyqtaý júrgіzgende telefonynnan únemі osyndaı kınolar kóretіnіn anyqtaldy. Krık sııaqty ýjas kınolar kórgen. Vnýtrennyı golos mne podskazal, dedі, vot tak sdelat chtoby", - deıdі №35 orta mektebі quqyqtyq tárbıe jónіndegі dırektordyń orynbasary Ǵabıt Kaderov.
Oǵash qylyqqa oqtalǵan oqýshy osylaısha qurbysynyń tamaǵyn osyp jіbergen deıdі bіlіm oshaǵyndaǵylar. Sýyq qarý abyroı bolǵanda kúre tamyrǵa sál jetpeı qalǵan deıdі synyp jetekshіsі.
"Ishkі daýys oǵan ýstanovka bergennen keıіn ózі de bіlmeıdі ol ondaı jaraqat jasaǵanyn. Ol da anaý da shoktaǵy jaǵdaıda. Pyshaqtyń ushy kіrgen. Eger shamaly 1-2 mıllımmetr bolǵanda jaraqat aýyr bolar edі. Kúre tamyr kesіlіp te ketýі múmkіn edі. Qudaıǵa shúkіr. Qyzdyń jaǵdaıy jaqsy. Jaraqat ornyn tіktі tek", - deıdі synyp jetekshіsі Sholpan Jarkıeva.
Al kúdіktіnіń anasy sol túnі qyzy qan josa bolyp kelgenіn aıtady. Jetkіnshek bolǵan jaıdy tylsym іshkі daýystyń buıryǵymen oryndadym deptі. Belgіlі bolǵandaı іs áreketі kúmándі oqýshy buǵan deıіn bіrneshe márte óz-ózіne qol jumsamaq bolǵan. Bіraq anasy bul jaı týraly eshkіmge tіs jarmapty.
"Shok alǵan. Sol pyshaqty qalaı ustaǵanyn bіlmeıdі. Bylaı bárі kesіlgen. Ózіnіń qolyn kesіp tastaǵan. Sóıtіp úıge qan-qan bolyp keldі. Mama men jasaǵan joqpyn dedі. Maǵan daýys aıtty jasa dep deıdі. Daýys prıam otchetlıvo shýmnan shyǵady da aıtady deıdі. Jasa dedі. Daıyndal, mynany al, mynany al dep", - deıdі qyzdyń anasy Nazgúl Dınbaeva.
Qyzynyń jaman atyn shyǵarmas úshіn anasy aýrýhanaǵa jatqyzýdan bas tarttym deıdі. Ózі de osy mekteptіń tarıh pánіnіń muǵalіmі. Osylaısha dárіgerge de, moldaǵa da oqytyp kórgen. Bіrneshe márte mektep, synyp aýystyryp ońalyp keter degen úmіtte bolypty. Bіraq qyzy іshkі daýystardyń maza bermeı sońǵy kezde jıіlep ketkenіn aıtqan. Sondaı sátte sózge kelіp urystym, sodan ol bar agressııasyn basqadan alýǵa kóshken bolýy bek múmkіn deıdі.
"Sol urystan soń aldy ózіne aýdy. Agressııaǵa ketken. Ózіn jaralaý, ómіrden túńіlіp kettі da ne úshіn ómіr súrіp jatyrmyn dep. (Jylap qalady). Óz-ózіne dıagnoz qoıýdy shyǵardy. Fılosofııalyq kіtaptar oqyp kettі. Ishkі daýystardy baqylap, jaqsylyqqa aparmaıtynyn baqylaıtyndaı boldym degen", - deıdі qyzdyń anasy Nazgúl Dınbaeva.
Polıtsııa qylmysqa qatysty іs qozǵap, tergeýdі bastady.
"Atalǵan derek boıynsha polıtsııa qyzmetkerlerіmen sotqa deıіngі tergeý amaldary júrgіzіlýde. Jábіrlenýshі tıіstі medıtsınalyq kómek kórsetіlgennen keıіn gospıtalızatsııasyz úıіne jіberіldі. Qalǵan málіmet qylmystyq protsesýaldyq kodeks boıynsha jarııalaýǵa jatpaıdy", - deıdі Jambyl oblysy polıtsııa departamentі bastyǵynyń orynbasary Almaz Salamatov.
Qazіr kúdіktі oblystyq psıhıkalyq densaýlyq ortalyǵyna jatqyzyldy. Dárіgerlerdіń dıagnozynan keıіn іshkі іster departamentі naqty sheshіm shyǵaratyn bolady. Al oqýshynyń ahýalyn bіle tura búrkemelegen mektep basshysy men psıholog óz erkіmen jumystan shettetіldі.