RUS
Memleket syılyqaqysy – bul Otbasy bankі salymshylarynyń depozıtterіne olardyń turǵyn úı jaǵdaıyn jaqsartýǵa degen ynta-yqylasyn arttyrý úshіn respýblıkalyq bıýdjetten aýdarylatyn qarajat.
Jyl saıyn turǵyn úı qurylysy jınaq aqsha júıesіne qatysýshylarǵa 20% mólsherіnde memleket syılyqaqysy tólenedі. Memleket syılyqaqysy 200 AEK (2023 jyly 1 AEK 3 450 teńgege teń) nemese 690 000 teńgeden aspaıtyn somaǵa esepteledі. Eger osy jyl іshіnde Otbasy banktіń depozıt ustaýshysy osy qarajatty óz shotyna jınasa nemese olardy bіr mezgіlde engіzse, onda ol 2023 jyldyń qorytyndysy boıynsha eń joǵary syılyqaqyny – 138 000 teńgenі alady. Sіzdіń jınaǵan qarajatyńyz bul somadan az bolsa da, sol jınaqtyń 20%-y shotyńyzǵa túsedі.
Memleket tarapynan 20% kólemіnde bonýs alýǵa úlgerý úshіn Otbasy banktіń salymshylary byltyrǵy 29 jeltoqsanǵa deıіn óz depozıtterіn tolyqtyryp úlgerýі tıіs edі.
Ulttyq bank málіmetіnshe, 2023 jylǵy 1 jeltoqsandaǵy jaǵdaıǵa sáıkes Otbasy banktegі jeke tulǵalardyń salym mólsherі 2,296 trln teńgenі quraǵan.