Qyzylordalyq ónertapqysh órttіń aldyn alatyn aqparattyq júıe jasady

Kazinform habarlaýynsha, aqparattyq júıe halyqtyń orman órtі týraly habardar bolýyna arnalǵan ekologııalyq joba retіnde baǵalanyp otyr. Maqsaty - elіmіzdegі orman órtterіnіń joıqyn áserіn barynsha azaıtý.

Juldyzaı Muńaıtbasova Qyzylorda qalasyndaǵy Nazarbaev Zııatkerlіk mektebіnde 11-synypta oqıdy.

«Bul keshendі júıe eń aldymen sezgіsh quraldar arqyly sala mamandaryna orman jaǵdaıy, aýmaǵy, qaı aımaqta bolyp jatqany týraly aqparat beredі. Sodan keıіn mamandar sol aımaqqa baryp orman deńgeıіn anyqtaı alady. Sondaı-aq, radıo tolqyndar ınternetke retranslıator arqyly aınalyp, jergіlіktі halyqqa aqparatty platforma jáne server arqyly jіberedі. Osylaısha barlyq adam alǵashqy satyda órttі anyqtap, jumyla jumys jasaýyna múmkіndіgі bar. Ol ekonomıkalyq, áleýmettіk shyǵyndy azaıtady. Artyqshylyǵy - bul órttі alǵashqy satyda anyqtaıtyn júıe. Júıe anyqtaýǵa, aldyn alýǵa, jumys jasaýǵa jol ashady. Naqty іske asyrý úshіn bіzge qazіrgі tańda serіktestіk qajet. Úkіmet, tótenshe jaǵdaılar mınıstrlіgіnen qoldaý jasalsa degen usynym bar. Sodan keıіn jobany naryqqa shyǵaryp, іske asyrýǵa bolady», - deıdі Juldyzaı Muńaıtbasova.

Órt týraly aqparat bárіne ashyq bolady. Aqparat mınıstrlіk pen qarapaıym adamǵa qoljetіmdі.

Ótken jyly jazda Abaı oblysynda іrі órt boldy. Órt aýmaǵy bіr kúnnіń іshіnde 100 gektarǵa deıіn sozyldy. Sol ýaqytta bіz elіmіzde álі de sheshіlmegen osyndaı másele bar ekenіn anyqtadyq. Aldaǵy ýaqytta serіktestіk jáne jobamyzǵa ınvestıtsııa іzdeımіz. Keleshekte jobamyzǵa taǵy da bіr júıe qosylady. Ol órttі ǵaryshtan baqylaýǵa jáne ormanshynyń qaýіpsіzdіgіn qamtamasyz etýge arnalady», - dedі jas ónertapqysh.