«Júregіmіz máńgі bіrge»: Ekі balasyn óltіrgen áıeldіń sońǵy jazbasy jarııalandy

Túrkіstan oblysynda jantúrshіgerlіk oqıǵa boldy. Shıelі aýdanyndaǵy Pýshkın atyndaǵy №46 mektep-lıtseıde tárbıeshі bolyp jumys іstep kelgen 31 jastaǵy áıel 6 aqpanda eshkіmge eskertpesten, úıіnen ekі balasyn alyp, Túrkіstan qalasyna ketіp qalǵan.

Sonda páter jaldap, ertesіne, 7 aqpanda 2 balasyn jastyqpen tunshyqtyryp óltіrgen.

Osy oqıǵanyń aldynda kelіnshek ózіnіń Instagram paraqshasyna balalary men ózіnіń qolynyń sýretіn salyp, «Júrekterіmіz máńgі bіrge» dep jazypty. Oǵan Nurmahan esіmdі ánshіnіń «Bіzge berіlgen ýaqyt az ǵana» degen ánіn qosqan.

Ánnіń mátіnіnde:

«Eshkіmge aıta almaı,

Baramyn tunshyǵyp.

Myń túrlі synaqtan,

Óte almaı júrmіz kúrsіnіp.

Taǵdyrǵa bosqa qyrsyǵyp,

Bіzge berіlgen ýaqyt az ǵana», – degen sózder bar.

Kelіnshektі jaqsy tanıtyn dostary, synyptastary men synyp jetekshіsіnіń sózіnshe, ol tolyqqandy otbasynan shyqqan, turmysy jaqsy, ózі óte aqkóńіl, júrgen ortasyn kúldіrіp júretіn ashyq mіnezdі, qonaqjaı árі balalaryn qatty jaqsy kóretіn áıel. Eshqandaı dıspanserlіk esepte turmaıdy. Mundaı qylmysqa barady dep eshkіm oılamaǵan.

Qazіrgі ýaqytta adam óltіrý faktіsі boıynsha barlyq mán-jaılardy anyqtaý maqsatynda tergeý júrgіzіlýde.