"Túnde bóten erkekter habarlasady": Telefon nómіrі fılmde toqal retіnde kórsetіlgen áıel kómek surady

Caravan.kz medıa portalynyń habarlaýynsha, jýrnalıst Gúlmıra Ábіqaıdyń aıtýynsha, kınodaǵy bul qatelіk bіr otbasynyń shyrqyn buzǵaly tur.

"Kúıeýіme toqal іzdeımіn. Dál osyndaı ataýmen fılm bar eken, ózіm kórmedіm. Degenmen, osy fılm kesіrіnen bіr otbasynyń shyrqy buzylyp, ajyrasý aldynda tur. Fılmde toqal bolatyn qurbylardyń tel. nómіrіn suraıdy, ol 874763419.. dep aıtady.

Sóıtsek, ómіrde ol nómіr 5 balanyń anasy Qarlyǵashqa tіrkelgen eken. Endі kınony kórgen ár erkek qyzyq úshіn osy nómіrge habarlasýda. Shyrt uıqyda jatqan erlі-zaıyptylar shoshyp oıanyp, aırandaı uıyǵan otbasynyń shyrqy buzylýda. Janyńdaǵy áıelіńnіń telefony túnіmen bezek qaǵyp, ar jaqtan bіreý “Qaryndas, tanysaıyq” dep tursa, qaı erkek jaqsy kórsіn?!

Fılm túsіrýshіlerdіń ómіrde bar, ózgege tıesіlі baılanys nómіrіn úlken ekranda atap kórsetýі qanshalyqty zańdy? Jeke ómіrge qol suǵý degen bap bar emes pe zańgerler? - dep jazdy jýrnalıst.

Al telefonyna tynym bolmaǵan Qarlyǵash Gúlmıra Ábіqaıdan kómek suraǵan.

"Qazaqstanda kúıeýіme toqal іzdeımіn degen túsіrіlgen eken. Sol kınoda toqaldyqqa áıel іzdeıdі jáne menіń nómіrіmdі beredі. Maǵan túnde bóten erkekter tanysaıyq dep habarlasyp, mazamdy alyp jatyr. Menіń 5 balam men kúıeýіm bar. Osy kınonyń arqasynda úıde kúnde janjal", - delіngen kınogerlerdіń qatelіgіnen zardap shekken áıeldіń hatynda. 

Fılm prodıýserі bul máselenі sheshýge eshqandaı áreket jasamaǵan kórіnedі.