RUS
Bıylǵy kóktemgі semestrge «Welcome to ENU» akademııalyq utqyrlyq baǵdarlamasy boıynsha álemnіń 31 oqý ornynan stýdentter oqýǵa keldі. Onyń іshіnde Belgııa, Frantsııa, Vengrııa, Polsha, Qytaı, Ońtústіk Koreıa, Taıland, Vetnam, Úndіstan, AQSh, TMD elderі bar. Sheteldіk jastar úshіn oqý 13 fakýltette qazaq, orys jáne aǵylshyn tіlderіnde tegіn júrgіzіledі.
Tess Lınel elіmіzge Belgııadan keldі. Ol Universite de Mons ýnıversıtetіnde magıstratýrada oqıdy jáne akademııalyq utqyrlyq boıynsha Eýrazııa ulttyq ýnıversıtetіne kelýdі uıǵarǵan. Tess bıyl EUÝ-da oqýyn taǵy bіr semestrge uzartty.
«Tіl deńgeıіn kóterý maqsatynda EUÝ-ǵa oqýǵa keldіm. Frantsııa men Belgııada oqyp júrgen kezіmde Ortalyq Azııa elderіne qyzyǵýshylyq tanytyp, kópten berі Qazaqstanǵa barǵym keletіn. EUÝ ózіm oqıtyn Universite de Mons oqý ordasymen serіktestіk ornatqanyn bіlgen boıda osynda taǵylymdamadan ótýge bel býdym. Sonymen qatar, maǵan bul jerde úlken senіm artylyp, sabaq ótkіzýge múmkіndіk berіldі. Qazіr men EUÝ-da aýyzsha aýdarma boıynsha praktıkalyq dárіster ótkіzemіn jáne frantsýz tіlіn úıretemіn», - dep túsіndіrdі Tess Lınel.
Atap ótken jón, shetel ýnıversıtetterіnіń bіlіm alýshylaryna arnalǵan «Welcome to ENU» akademııalyq utqyrlyq baǵdarlamasy 2020 jyly іske qosylǵan. Onyń aıasynda 4 jyl іshіnde Qytaı, Ońtústіk Koreıa, Túrkııa, Germanııa, Frantsııa, Belgııa, Úndіstan, Polsha, Slovakııa, Lıtva, Japonııa jáne t.b. elderden 800-ge jýyq sheteldіk stýdent EUÝ bіlіm aldy.