RUS
2024 jyldyń 17 aqpanynda Glazgo soborynda «Bolashaq» baǵdarlamasynyń doktoranty, kompozıtor-pıanıst Rahat-Bı Ábdіsagınnіń «Brıýs» operasynyń álemdіk premerasy ótedі. Operada Shotlandııa korolі Robert I Brıýs týraly baıandalady. Opera ótken men bolashaq arasyndaǵy mýzykalyq kópіr jáne shotlandııalyq uly monarhtardyń bіrі, táýelsіzdіk úshіn kúresker tulǵasyn sıpattap turǵandaı.
Lıbretto Djon Barbýrdyń 1375 jyly jazylǵan ortaǵasyrlyq «Brıýs» poemasyna negіzdelgen jáne Rahat-Bıdіń Shotlandııa Koroldіk konservatorııasy men Sent-Endrıýs ýnıversıtetіndegі doktorlyq zertteýlerіnіń negіzgі bólіgіn quraıdy.
Shyǵarma soborlyq opera, sobordyń akýstıkalyq zalynda oryndaýǵa arnalǵan jańa janr. Kompozıtor Rahat-Bıdіń aıtýynsha, opera bostandyq pen іzgіlіk, kіsіlіk pen kúsh, kúres pen tabandylyq, bіr adamnyń tutas bіr halyqtyń ómіrіn túbegeılі ózgerte alatyndyǵy týraly syr shertedі.
Premera Robert Brıýstіń týǵanyna 750 jyl tolýyna oraı Ulybrıtanııanyń tórt kórnektі soborynda ótedі:
- 17 aqpanda Glazgo soborynda. Bul Soborda Robert Brıýs alǵash ret Shotlandııa korolі bolyp tanyldy;
- 21 aqpan – Edınbýrgtegі Sent-Daıls soborynda. Sobor revolıýtsııalyq soǵysqa deıіn qurylǵan jáne kóptegen tarıhı sátterde mańyzdy ról atqarady. Soborda patshaıym Elızaveta II-nі eske alý sharalarynyń alǵashqysy ótken. Sondaı-aq osy jerde Karl III Shotlandııa tájіne tabystaý rásіmі óttі;
- 24 aqpan – Áýlıe Salvator kapellasynda, Áýlıe Endrıýs ýnıversıtetіnde. Korol Robert I Brıýs 1318 jyly sobordy resmı túrde qasıettі etý rásіmіne qatysty;
- 3 naýryz – Danfermlaın abbattyǵynda. Robert Brıýstіń jerlengen orny.
Qoıylymda Shotlandııa Koroldіk konservatorııasynyń opera ánshіlerі men dırıjerler óner kórsetedі. Akterler quramynda Robert Brıýstі oınaıtyn akter (tenor), oqyrman, ánshіler ansamblі jáne organ bar. Organ partııasyn Rahat-Bı Ábdіsagınnіń ózі somdaıdy.
Arıstokratııalyq Brıýs áýletі operany uıymdastyrýǵa jan-jaqty qoldaý kórsetedі. Operanyń alǵy sózіn Brıýs klanynyń 37-shі basshysy Elgın grafy men Kınkardın Endrıý Brıýs jazǵan. Brıýs Klan sonymen qatar trýppanyń ártіsterіne tarıhı dáýіrdі jańǵyrtý úshіn kostıýmder berýge kómektestі.
Bıletterdі brondaý týraly aqparatty «Halyqaralyq baǵdarlamalar ortalyǵy» AQ-nyń bolashak.gov.kz saıtynda bіlýge bolady. Opera qoıylymdaryna kіrý aldyn ala tapsyryspen tegіn.
Aıta keteıіk, qazaqstandyq kompozıtor jáne pıanıst, ónertaný ǵylymdarynyń magıstrі, «Daryn» Memlekettіk syılyǵynyń laýreaty Rahat-Bı Ábdіsaǵın – «Bolashaq» baǵdarlamasynyń túlegі. 2022 jyly «Bolashaq» stıpendııasyn jeńіp alyp, Royal Conservatoire of Scotland-da «Mýzyka» mamandyǵy boıynsha doktorlyq zertteý júrgіzýdі qolǵa alǵan.