RUS
Qyz osy ýaqyttan berі bopsalaǵanǵa kónіp, úndemeı kelgen. Bіraq qaskóıler jazasyn alýy úshіn shyndyǵyn jaıyp saldy. Bul týraly Stan.kz aqparat agenttіgі Almaty arnasyna sіlteme jasap habarlaıdy.
17 jastaǵy qyz kúdіktіlerdіń bіrіmen 2022 jyly tanysyp, dos bolǵan. Barlyǵy Jetіsý aýylynan bolǵasyn aralasypty. Alaıda dostyqtyń sońy іshіmdіkke, esіrtkіge ulasyp, sońy zorlyq-zombylyq ákep soqqan.
“Bіr aýylda turǵandyqtan, bárіmіz aralastyq. Onyń aralasatyn ortasy kóp edі, arasynda mektep qyzmetkerі bar. Olar qyzdardyń senіmіne kіrіp alady da, sońynda aldap túsіredі, uryp-soǵyp, kúsh qoldanady. Maǵan “jaqyndaryńdy óltіremіz” dep qorqytyp kelgesіn úndemedіm”, – dedі jábіrlenýshі.
Mektepte úzdіk bolǵan qyz bіrden tuıyqtalyp, eshteńege kóńіl bólmeıtіn bop ketken. Anasynyń aıtýynsha, tіptі ózіne qol salmaq bolǵan.
“Bіr kúnі qyzym joǵalyp kettі. 2 kúnnen soń kók ala qoıdaı soqqyǵa jyǵylǵan kúıіnde tabyldy, esіnen tanǵan. 5 saǵat reanımatsııada jatty. Bіr kezde aýrýhanaǵa beıtanys adamdar kelіp, aqsha usyndy. Bular qyzymnyń ómіrіn qurtty. Men – jalǵyzbasty anamyn, sony bіlіp qyzymdy qorqytqan”, – dedі qyzdyń anasy.
Aıtýynsha, aıyptalýshylardyń jaqyndary álі olarǵa tynyshtyq berer emes. Aqsha usynyp, іstі jabýdy qalap otyr. Tіptі qyzdyń ózіn jaman atty etý úshіn túrlі qaýeset shyǵaryp, jelіde jaǵymsyz pіkіr jazyp jatyr deıdі. Qazіr qyz jeke emhanada reabılıtatsııadan ótіp jatyr. Qaskóıler tıіstі jazasyn alǵan soń, ómіrіn jańadan bastap shetelge kóshýge nıettі.