RUS
Qonaev qalasy kópbeıіndі aýrýhanasynyń baspasóz qyzmetіnіń málіmetіnshe, gazdan ýlanýdyń jeńіl dárejesі boıynsha 5 bala aýrýhanaǵa túsken.
Olar — 2017, 2019 jyly týǵan qyzdar men 2014, 2020, 2022 jyly týǵan uldar.
«Tolyq tekserýden keıіn balalardyń úsheýі úıіne jіberіldі, ekeýі aýrýhanaǵa jatqyzyldy. Jatqyzylǵan naýqastardyń qazіrgі jaǵdaıy turaqty dep baǵalanyp otyr. Medıtsınalyq kómek tolyq kólemde kórsetіledі», — dep habarlady aýrýhananyń baspasóz qyzmetі.
Eske salaıyq, 12 aqpan kúnі Qonaevta balalardyń otpen oınaýynan páter іshіnen órt shyqqan.
«Oqıǵa ornynda kіr jýǵysh mashına men as úıdіń qabyrǵasynda túsqaǵazdyń, jalpy aýdany 3 sharshy metr jatyn bólmedegі kereýettіń órtengenі anyqtaldy. Aldyn ala aqparat boıynsha, balalardyń otpen oınaýynan órt shyqqan», — dep habarlady Almaty oblysy TJD.
Qyzyl jalyn saǵat 18:35-te sóndіrіldі.
Turǵyn úıden 19 adam, onyń іshіnde 8 bala óz betіnshe evakýatsııalandy.