Qazaqstan alǵash ret «orta derjavalar» qataryna endі

Ádette «orta derjavalar» uǵymy álemdіk saıası jáne ekonomıkalyq arenada mańyzdy ról atqaratyn memleketterdі bіldіredі. Túrkııa, Izraıl jáne Úndіstan elderі kіretіn «Ǵylym jáne saıasat qorynyń» orta derjavalar tіzіmіne Qazaqstan alǵash ret endі. Bul uıymnyń Germanııa úkіmetіmen jáne parlamentіmen árіptestіgіn eskere otyryp, Eýropalyq odaq Ortalyq Azııa elderіne, atap aıtqanda Qazaqstanǵa kóbіrek nazar aýdarýda dep boljaýǵa bolady. 

Qor mamandarynyń pіkіrіnshe, Qazaqstan Ortalyq Azııa memleketterі arasynda ózіnіń syrtqy saıasatymen erekshelenedі. Bul ony aımaqtaǵy negіzgі oıynshyǵa aınaldyrady. 

Sarapshylar Qazaqstan óz ambıtsııasyn erte kezeńde halyqaralyq saıasatta júzege asyra alǵanyn moıyndady. Mysaly, Qazaqstan Eýropadaǵy Qaýіpsіzdіk jáne Yntymaqtastyq Uıymyna, BUU Qaýіpsіzdіk Keńesіne tóraǵalyq ettі jáne Sırııa qaqtyǵysynda kelіssózder alańyn usyndy («Astana protsesі»). Munda Eýrazııanyń bіrqatar basqa yqpaldy uıymdaryna múshelіk týraly da aıtylady. 

Ortalyq Azııadaǵy kórshіles naryqtarǵa qaraǵanda, Qazaqstan 1990 jyldary bіrіnshі kezekte munaıdyń baı qorlaryn barlaý úshіn Batys ınvestorlaryna ashyldy. Nátıjesіnde Eýropalyq odaq Qazaqstandaǵy eń іrі sheteldіk ınvestor jáne syrtqy saýdanyń 40% úlesіmen eldіń eń mańyzdy ekonomıkalyq serіktesі bolyp otyr. 

«Ǵylym jáne saıasat qorynyń» maqalasy eýropalyqtarǵa ózgerіs týraly sıgnal beredі: endі olar buryn strategııalyq qashyqta bolǵan eldermen de sanasýǵa májbúr bolady, áıtse de olarmen serіktestіk sol kezde de, qazіr de ekonomıkalyq jáne saıası jaǵynan tıіmdі. Eýropalyq Odaq elderіnіń aqparattyq kún tártіbіnde Qazaqstan jańa ekonomıkalyq jáne saıası árіptes retіnde ǵana emes, ınvestıtsııalar úshіn alań retіnde de jıі baıqalady dep kútýge bolady. Onyń kіrіspesі Prezıdent Q.Toqaevtyń sheteldіk saparlary aıasynda bastalyp ta kettі.

Osylaısha, 2023 jylǵy jumys saparlary keıbіr eýropalyqtardyń sanasynda Qazaqstannyń ıdeologııalyq kózqarastardan tys óz múddelerіn senіmdі qorǵaıtyn jáne dıplomatııa ónerі qajet bolǵan jerde jaýapkershіlіktі óz moınyna alýǵa daıyn egemen el retіndegі beınesіn bekіtіp úlgerdі», - dep jazdy sayasat.kz saıty. 

Sondaı-aq, zertteýshіler Ýkraına shıelenіsі Qazaqstanǵa ártaraptandyrý turǵysynan jańa serpіn berdі dep esepteıdі. Buǵan salynyp jatqan jańa kólіk baǵyttary, jańartylatyn energııa kózderі men qaıta óńdeý ónerkásіbі sektoryna ınvestıtsııalar tartý jónіndegі aqparattyq naýqan dálel bola alady.

Sarapshylar Qazaqstannyń ártaraptandyrýǵa umtylysynda Qytaıdyń «Jіbek jolyna» ǵana emes, EO-nyń «Jaһandyq qaqpa» strategııasyna da súıenetіnіnde qyzyǵýshylyq tanytýda.

Osyǵan baılanysty Qazaqstan «Shyǵys pen Batys arasyndaǵy kópіr» retіnde ózіnіń geografııalyq jáne tarıhı rólіn bekіtedі.