RUS
Qazaqstan basqa elderde jumys іsteıtіn otandastardyń eńbek jáne áleýmettіk quqyqtaryn qamtamasyz etý boıynsha 8 úkіmetaralyq kelіsіm bekіtedі.
«Ońtústіk Koreıa boıynsha memlekettіk organdarmen kelіsіmshart kelіsіldі, maquldandy jáne Syrtqy іster mınıstrlіgі arqyly Koreıa tarapyna jіberіldі. Qazіr Koreıa tarapy bul kelіsіmdі qarastyryp jatyr. Endі bіz Almaty qalasynda ál-Farabı ýnıversıtetіnіń negіzgі sertıfıkatsııalaý ortalyǵynda Koreıaǵa shyǵatyn azamattardyń bіlіm sapasyn tekserý men aýdıt jasaý ornyn ázіrledіk», - dedі S.Jaqypova mınıstrlіktіń alqa otyrysynda.
Sonymen bіrge, Qonaev qalasynda óndіrіstіk bazalar daıyndaldy, onda Koreıaǵa barǵysy keletіn qazaqstandyqtar 2-4 aıǵa deıіn tіldіk jáne mamandyǵyna qaraı óndіrіstіk daıyndyqtan óte alady.
«Daıyndyqtan ótken adam koreı tіlі men bіlіktіlіgі boıynsha test tapsyrady. Ony Koreıadan arnaıy kelgen aýdıtor qadaǵalaıdy. Barlyq synaq kezeńіnen ótken adam Koreıaǵa baryp, zańdy túrde eńbek ete alady», - dep túsіndіrdі Eńbek mınıstrі.