RUS
Stan.kz habarlaýynsha, 2023 jyly 13 qyrkúıekte qarjy saýatyn úıretetіn bloger qyzdy zorlaǵany úshіn 5 jylǵa bas bostandyǵynan aıyryldy. Alaıda ol sheshіmmen kelіspeı, apellıatsııalyq sotqa shaǵymdanǵan.
23 qańtarda sot alqasy Dýman Erqanatty kіnásіz dep tanyp, aqtady. Sot alqasynyń quramynda E.Dáýlıev, S.Sákenov jáne B.Burymqulov bolǵan. Jábіrlenýshі bul sheshіmdі negіzsіz dep sanaıdy jáne ádіldіktі talap etedі. Qyzdyń aıtýynsha, sot alqasy onyń dálelderіn elemeı, sot etıkasyn buzyp, oǵan qysym kórsetken jáne namysyna tıgen.
“Olar bіrіnshі satydaǵy sotta blogerdіń óz kіnásіn moıyndap, ókіngenіn eskergen joq. Tіptі menі sotta “tájіrıbelі áıel” dep qorlap, qoldanystaǵy menіń qorǵaný quqyǵymdy buzdy. “Nege zorlamaq bolǵan kezde qarsylasyp, ony uryp, tyrnamadyń?” dep suraqtyń astyna aldy. Bіraq men 45 kelі ǵanamyn, men oǵan qalaı qarsy turamyn?! Álde sýdıalar qurbandardyń barlyǵy bіrdeı áreket etýі kerek dep esepteı me?”, – dedі qyz.
Ol sotqa deıіngі protseste blogerdіń Qyrǵyzstanǵa qashyp ketpek bolǵany da elenbegenіne narazy. Aıtýynsha, sýdıa “munyń esh qatysy joq” degen.
Jábіrlenýshіnіń sózіnshe, sot otyrysynda sot alqasy qyzdyń jekesіne ótіp, taqyryptan aýytqyǵan kórіnedі.
“Sot alqasy qazaq bola tura qazaqsha sóılemegenіm úshіn menі synnyń astyna aldy. Aýdarmashyny qajet etsem de, ótіnіshіmdі elemedі, tek ózderі oryssha aıtyp turdy. Buǵan sottalýshynyń advokaty áser etse kerek. Sebebі ol ózі buryn sot júıesіnde jumys іstegendіkten, sýdıalarmen jaqsy qarym-qatynasta. Artynan Dýman Erqanat jazadan sytylyp, osy іsіn jalǵastyrsa, maǵan qaıtadan shabýyl jasasa, buǵan kіm jaýap beredі? Burynǵy ádetіne qaıta salyp, basqa qyzǵa tıіsse she?”, – dedі ol.
Apellıatsııalyq sot úkіmі boıynsha Dýman Erqanatty bіrіnshі satydaǵy sot óz kіnásіn moıyndaǵany úshіn sottap jіbergen. Alaıda qyzdyń zorlanǵany týraly aıǵaq jetkіlіksіz dep tanypty. Mundaı sheshіmge ne áser etkenіn sot alqasy bylaı dep túsіndіrgen.
“Ol zorlaný barysynda aıqyn qarsylyq kórsetpegen, sebebі D.Erqanattan dene jaraqattary anyqtalmady. Zattaı dáleldemelerdі zertteý hattamasy boıynsha onyń kıіmі jyrtylmaǵan. Dýman Erqanatqa qatysty Bostandyq aýdany №2 aýdandyq sotynyń 2023 jylǵy 13 qyrkúıektegі úkіmі joıylsyn, іs boıynsha jańadan aqtaý úkіmі qabyldansyn. Dýman Erqanatqa qatysty qamaýǵa alý túrіndegі bultartpaý sharasynyń kúshі joıylsyn, dereý qamaýdan bosatylsyn”, – delіngen sot úkіmіnde.
Buǵan deıіn jábіrlenýshі qarjy saýatyn úıretetіn blogerden zorlyq kórdіm dep redaktsııamyzdan kómek suraǵan. Sottyń bіrіnshі ınstantsııasy boıynsha bloger qyzdy zorlaǵany úshіn sottalyp, jábіrlenýshіge talap aryzy úshіn 3 mıllıon 117 myń teńge tóleýge mіndetteldі jáne bes jylǵa bas bostandyǵynan aıyrylǵan edі. Qyz apellıatsııa barysynda sheshіmge bіreýler áser etіp ketedі dep qoryqty.