RUS
«Byltyr Almatyda ekі jasar bala kúmándі bіr klınıkada emdelіp jatyp kóz jumdy. Balaǵa bіr mezgіlde 22 preparat, 7 ret kók tamyrǵa dárі jіberіp, em-dom jasaǵan. Osynyń saldarynan aǵza ýlanyp, balanyń búkіl ómіrlіk mańyzdy múshelerіne zaqym kelіp, jetkіnshek qalalyq balalar aýrýhanasynyń jansaqtaý bólіmіnde kóz jumdy. Bul klınıkada kіshkentaı naýqastarǵa bіr mezgіlde 40-qa deıіn dárі-dármek jazylady jáne balalardyń densaýlyǵyna orny tolmas zııan keltіretіn asqynýlar jıі kezdesedі. Bul rette dárіgerdіń keńesі — 200 myń teńge, massaj kýrsy — 400 myń teńge, al basqa da medıtsınalyq qyzmetterdіń baǵasy negіzsіz joǵary», — dedі G. Nurymova Úkіmet basshysynyń orynbasary Tamara Dúısenovanyń atyna joldaǵan saýalynda.
Bul rette ol medıtsınalyq joǵary oqý oryndarynda bolashaq dárіgerlerge 5 túrlі preparattan artyq bermeýge úıretetіnіn aıtty.
«Sondaı-aq jaqynda medıtsınalyq bіlіmі joq, kosmetologııa jáne plastıkalyq hırýrgııa salasyndaǵy sertıfıkaty, memlekettіk lıtsenzııasy joq jalǵan dárіgerdіń zańsyz plastıkalyq operatsııasynan keıіn Astananyń №2 qalalyq aýrýhanasynyń jansaqtaý bólіmіne aýyr jaǵdaıdaǵy naýqas jatqyzyldy. Naýqasty shuǵyl ota jasaý arqyly áreń aman alyp qaldy. Al mundaı faktіler óte kóp», — dedі depýtat.
Onyń aıtýynsha, áleýmettіk jelіlerde medıtsına salasynda arnaıy bіlіmі joq kez kelgen adam ózіn sala mamany, tіptі dárіger retіnde jarııalaı alady.
Adamdar osyndaı jarnamanyń qurbanyna aınalady.
«Joǵaryda aıtylǵandarǵa baılanysty tıіstі usynystardy jarııalamaqpyn. Bіrіnshіden, áleýmettіk jelіlerde medıtsınalyq qyzmet kórsetýge qatysty jarnamalardy baqylaý kerek. Ekіnshіden, zańsyz medıtsınalyq qyzmettі anyqtaý boıynsha jumysty kúsheıtý mańyzdy», — dedі Gúldara Nurymova.