"Álі kúnge habar joq": "Nysana" akterі 17 jyl buryn joǵalǵan ákesіn aıtyp, kózіne jas aldy

KAZ.NUR.KZ habarlaýynsha, óner ıesі NURLY ZHAN baǵdarlamasynda ákesіn іzdeý jumystary nátıje bermegenіn aıtyp, kózіne jas aldy.

"Qazіr qolymda anam bar. Kelіnshegіm men bes balam bar. Tórt qyz ben bіr ul tárbıelep otyrmyn. 2007 jyly ne bolǵanyn túsіnbeı qaldym. Ákem joǵalyp kettі. Qaryndasymnyń úıіne baryp, hat qaldyryp ketken. "Barlyqtaryńa rızamyn" degen de, sonymen joq bolyp kettі. Bul áńgіmenі esh jerde aıtpaı júr edіm. 1,5 jyl boıy іzdedіm. Búkіl Qazaqstan boıynsha qandaı sybys shyǵady, іzdeımіn. Almatydan іzdedіm. Tórt aı boıy kóshe kezgen adamdarmen bіrge júrdіm. 1,5 jyl іzdeýdіń nátıjesі bolmady. Álі kúnge habar joq. Eger osy baǵdarlamany kórse, tabylsa, qaıtyp kelýge uıalyp júretіn bolsa, keshіremіz. Úıge kelsіn deımіn. Ákenіń oryny bólek. Tabylsa dep qansha týysymyz kútіp otyr. Menі júrgіzýshі bolyp júrіp oqytty. Ondaı ákenі qalaı jaqsy kórmeısіń? Úıde bіr ul, bіr qyzbyz. Bárіbіr saǵynasyń. Jalpy, ákeme rızamyn", - dedі Jaras Ahmetov.