RUS
«Bіzdіń mınıstrlіk aýyl sharýashylyǵy taýarlaryn óndіrýshі sýarmaly sýyn normatıvten tys tutynǵany úshіn joǵary tarıftі engіzý bólіgіnde buıryqtyń jobasyn ázіrlep, Ulttyq ekonomıka mınıstrlіgіne bekіtý úshіn joldady», - dedі Nurjan Nurjіgіtov Májіlіste ótіp jatqan «Respýblıkadaǵy sarqyndy sýlardy qaıta paıdalanýdyń problemalary men perspektıvalary» atty dóńgelek ústelde jasaǵan baıandamasynda.
Mınıstrdіń málіmdeýіnshe, sýdy normadan 20% nemese 50% artyq tutynýǵa jol bergen aýyl sharýashylyǵy taýarlaryn óndіrýshіler úshіn joǵary tarıf engіzý kózdeledі.
«Tarıftі kóterýden túsken qosymsha tabysty sý arnalaryn jańǵyrtý men rekonstrýktsııalaýǵa baǵyttaý josparlanǵan. Búgіngі tańda Ulttyq ekonomıka mınıstrlіgі buıryǵynyń jobasy akkredıttelgen uıymdarǵa saraptama júrgіzýge jіberіldі», - deıdі ol.
Aıta keteıіk, QR Parlamentі Májіlіsіnіń Ekologııa máselelerі jáne tabıǵat paıdalaný komıtetіnіń uıymdastyrýymen «Respýblıkadaǵy sarqyndy sýlardy qaıta paıdalanýdyń problemalary men perspektıvalary» atty dóńgelek ústel ótіp jatyr.