Tele2, Altel uıaly baılanys operatorlaryn Katar holdıngі satyp alatyn boldy

Holdıng «Qazaqtelekomnan» «Mobaıl Telekom-Servıs» (Tele2 jáne Altel) kompanııasyn satyp alýdy josparlap otyr.

«Qazaqtelekom» kompanııalar tobyna kіretіn operatorlardyń bіrі satylatyny týraly aqparat taraǵanyna bіraz ýaqyt boldy, bіraq bul másele boıynsha naqty sheshіm álі jarııalanǵan joq.

Bıyl 20 qańtarda Ekonomıkany jańǵyrtý jónіndegі memlekettіk komıssııanyń otyrysynda «Mobaıl Telekom-Servıs» JShS-yn satý týraly sheshіm qabyldandy. Al keshe Katarda «Qazaqtelekom», «Samuryq-Qazyna» jáne Power International Holding qol qoıylǵan kelіsіm aıasynda «MT-S» kapıtalyndaǵy 100% úlestі satý boıynsha yntymaqtastyq pen ózara іs-qımyl sharttary týraly kelіsіm jasady.

Qujatqa sáıkes, PIH operatordyń bıznes profılіn jáne qyzmetkerlerіn saqtap qalýǵa, kompanııany qaıta satpaýǵa nemese senіmgerlіk basqarýǵa bermeýge mіndetteledі.

Bіz jýyrda kelіssóz júrgіzýge kіrіstіk. Árıne, búgіngі kelіsіm tek Power International Holding-pen mámіle jasaý týraly nıetіmіzdі aıqyndaıdy. Bolashaqta satý jáne satyp alýdyń barlyq sharty men tártіbіn talqylap, bekіtý qajet bolady. Sondyqtan naqty tsıfrlar men mámіle somasy týraly aıtýǵa álі erte, - dep atap óttі «Qazaqtelekom» AQ basqarma tóraǵasy Qýanyshbek Esekeev.