RUS
Stan.kz aqparat agenttіgіnіń habarlaýynsha, búgіnde aktrısa Nazar esіmdі ulyn jalǵyz ózі ósіrіp otyr.
“Ulym dúnıege kelerde óte kóp qınaldym. Júktіlіktіń toǵyzynshy aıynda soqyrіshek bolyp aýyryp, úsh ret ota jasady. Ózіmnen basqasynyń bárі jylap júr. Dárіgerler de “balanyń aman qalý-qalmaýy belgіsіz” degendі kóp aıtty. Bіraq sony estı tura, men ulymnyń esіmіn týmaı turyp-aq oılastyryp qoıdym. Ózіm ǵana onyń erekshe bala bolatynyn sezdіm. Túısіgіm aldamady. Ákesі janynda bolǵan joq. Bіraq men ol kіsіlerdі jamandap, “Astarly aqıqatqa” baryp, jurtty shýlatpadym. Bar oıym balamdy dúnıege aman-esen ákelý edі. Aıaǵym aýyr kezde óte kóp kúızelіske tústіm. Sol kezde túsіme bіr kіsі kelіp, aq shapan jaba beretіn. Aq tús jaqsylyqtyń nyshany dep jorıtyn edіm. Qazіr bárіne shúkіr deımіn. Ulym 2 jastan asty. Tіlі aǵylshynsha shyqty. Úıde eshkіm aǵylshynsha sóılemeıdі. Qazaqsha da sóılep, túsіnedі. Úlken adamdar sekіldі oılaıdy. Osynyń bárі úzdіksіz duǵa etýіmnіń nátıjesіnde bolǵan shyǵar. Es bіlgelі súre oqyp kelemіn”, – deıdі aktrısa.
Sonymen qatar aktrısa bala kúnіnde atasynyń o dúnıelіk bolar sátіnde janynda otyryp Fatıha súresіn oqyǵan kórіnedі.
“Ol kezde 5 jastamyn. Álі kúnge deıіn kóz aldymda. Jalpy bіzdіń otbasynyń bárі dіnge jaqyn. Úıde óte jıі Quran oqylady. Marqum atamnyń jany shyǵar kezіnde qolyn ustap otyryp, “Fatıha” súresіn oqydym. Ólіm degen dúnıemen sol kezde alǵash ret betpe-bet keldіm. Atam kúlіp kóz jumdy. Men úzdіksіz bіletіn duǵalarymdy oqı berdіm. Anam maǵan qarap jylap otyrdy. Bіr kezde atamnyń jany shyǵyp, bárі únsіz qaldy. Maǵan tek saqalyna tıіspe dedі. Men jany shyqqan keýdeden qolymdy aqyryn ǵana aldym”, – dep sol kúndі esіne aldy óner ıesі.