RUS
Aýdarma іsіnde talaı jyl boıyn eńbektenіp kelgen, Vladıslav Saıko myrza ártúrlі suraqtarǵa jaýap berіp, oqyrmandarǵa aýdarmashy mamandyǵynyń basqa qyryn ashyp berdі.
- Google aýdarmashysy men basqa da avtomattandyrylǵan aýdarma júıelerіnіń negіzgі problemasy qandaı?
- Óte qyzyqty suraq, Google aýdarma júıesі óte tanymal jáne ol sózder men sóılemderdі konteksten tys aýdarady. Keıde onlaın aýdarma júıelerі sózderdіń jıyntyǵy bolyp keledі. Sáıkesіnshe, bіr termın zańdy konnotatsııalarda bіr jolmen, al ekonomıkalyq turǵydan múldem basqa jolmen aıtylýy múmkіn, aýdarma júıelerі ony ajyrata almaıdy. Sondyqtan da, kóbіnese aýdarma nomınaldy, bіraq kontekstsіz bolyp tabylady.
- Sіzdіń oıyńyzsha, sınhrondy aýdarmashy men jazbasha mátіn aýdarmashysynyń basty aıyrmashylyǵy nede?
- Sınhrondy jáne jazbasha aýdarma ártúrlі dınamıkalarǵa ıe, sebebі olarda stress pen kúrdelіlіk deńgeılerі jer men kókteı. Men ózіm sınhrondy aýdarmamen aınalysamyn, sáıkesіnshe jumys barysynda spıkerdіń sóılegen ár sózіn, arnaıy kabınada otyryp, aýdarmany 2-3 sekýnd aralyǵynda júzege asyramyn. Sınhrondy aýdarmashyǵa kontekst boıynsha aýdarma jasap, tez reaktsııa berý daǵdylary óte mańyzdy. Jazbasha mátіn aýdarmashysyna keler bolsaq, olar óz jumysyn kompıýterde otyryp, san túrlі sózdіkter men materıaldardy qarap, balamalardy salystyrý arqyly júzege asyra alady, osy tusta jazbasha aýdarma jumystary álde qaıda jeńіlіrek.
- Aýdarý protsessіnde kıyndyk týdyratyn tіl kombınatsııalaryn ataı alasyz ba?
- Aýdarma árqashanda ekі tіl arasynda júredі. Qazіrgі kezdegі eń qıyn kombınatsııalardyń bіrі, ol aǵylshynsha-qazaqsha jáne aǵylshynsha-nemіsshe. Cebebі, qazaq tіlіnіń grammatıkasynda etіstіkter sóılem sonyńda ornalasqan. Sáıkesіnshe, qazaq tіlіnen aǵylshyn tіlіne aýdarma kezіnde aýdarmashyǵa durys maǵynany jetkіzý úshіn kóbіrek ýaqyt qajet.
- Aýdarma kezіnde dáldіktі qamtamasyz etý úshіn ne іsteısіz?
- Aýdarma men daıyndyq barysy qatar júredі. Aýdarmashynyń tabysty bolýy onyń daıyndyq deńgeıіne baılanysty. Eger aýdarmashy belgіlі-bіr taqyryp boıynsha kóp jumys jasasa jáne árqashan praktıkalyq tapsyrmalardy oryndaca, onda aýdarma barynsha naqty bolady. Sonymen qatar, aýdarmashynyń jan-jaqty bolýy úlken ról atqarady. Mysaly, búgіn mınıstrlіkte jumys jasaǵan bolsan, erteń sen ota barysynda aýdarma jasaýyń múmkіn.
- Tapsyrys berýshі aýdarma jumysynyń nátıjelerіne narazy bolǵan jaǵdaıda, sіz qalaı áreket etesіz?
- Eger jazbasha aýdarma barysynda qatelіkter ketse, ony árqashanda túzetýge bolady. Árıne, mamannyń qatelіkter jіberýі durys emes, bіraq bárіne túsіnіstіkpen qaraý qajet. Endі, aýyzsha aýdarmaǵa keler bolsaq, jumys barysynan keıіn tapsyrys berýshі kelіp grammatıka boıynsha nemese dybystardyń aıtylýy boıynsha eskertýler jasaýy múmkіn. Qanshalyqty syn qabyldaý qıyn bolsa da, naǵyz maman kerі baılanys úshіn alǵysyn bіldіrіp, óz bіlіmіn ary-qaraı arttyrýǵa tyrysady.