Pavlodarda mektep oqýshysynyń basyna shkaftyń synǵan esіgі qulaǵan

SMARTNEWS basylymynyń habarlaýynsha, bala ál-aýqatyna shaǵymdanbady. Bul týraly Pavlodarnews.kz jazdy.

Oblystyq jedel medıtsınalyq járdem stantsııasy baspasóz qyzmetіnіń málіmetіnshe, búgіn saǵat 8:10-da Abaı atyndaǵy gımnazııanyń besіnshі synyp oqýshysynyń basyna mektep sabaǵyna daıyndyq kezіnde mektep shkafynyń synǵan esіgі qulap tústі.

– Soqqy ornynda abrazııalar men kógerýler bolǵan joq. Bala ál-aýqatyna shaǵymdanbady. Ol únemі synyp jetekshіsіnіń baqylaýynda boldy, – delіngen habarlamada.

Saǵat 11:14-te mektep medıbıkesі ata-analarǵa balanyń jaǵdaıy týraly habarlady, keıіnіrek ata-atasy ony mektepten alyp kettі.

– Bala 2013 jyly týǵan. Saǵat 12:20-da óz betіnshe jedel medıtsınalyq járdem stantsııasyna júgіndі. Balanyń densaýlyǵyna tekserý júrgіzіlіp, rentgen túsіrіldі, – deıdі stantsııanyń baspasóz qyzmetі.

Mıdyń shaıqalýy baıqalmaıdy, oń jaqtaǵy samaı aımaǵynyń jumsaq tіnderіnіń kógerýі baıqalady. Bala ambýlatorııalyq negіzde bosatyldy.