RUS
SMARTNEWS basylymynyń habarlaýynsha, Almatyda turǵyn 11 jyl boıy alǵan 12 mıllıon teńgeden astam zeınetaqysyn memleketke qaıtarady. Mundaı sheshіmdі Túrksіb aýdandyq soty shyǵardy. Bul týraly Stan.kz aqparat agenttіgі jazdy.
Sot derekterіne súıensek 2010 jyldyń 1 tamyzynda Almaty qalasynyń turǵynyna zeınetkerlіk jasqa tolýyna baılanysty zeınetaqy tólemderі taǵaıyndalǵan.
Belgіlі bolǵandaı, sol jyldyń 10 aqpanynda áıel Sheshenstan respýblıkasynyń Ahmatov aýdanynan da zeınetaqy ala bastaǵan. Osylaısha ol ekі eldіń de tólemіn qatar alyp júrgen. Bul Qazaqstan zańnamasyn buzý bolyp tabylady.
Sot otyrysynda zeınetker QR Eńbek jáne halyqty áleýmettіk qorǵaý mınıstrlіgіnіń ózіne qoıǵan talabyn moıyndady. Sot sheshіmі boıynsha ol endі bıýdjetke 12 318 134 teńge – 2010 jyldyń tamyzynan 2021 jyldyń qyrkúıegіne deıіn zańsyz alǵan zeınetaqysynyń somasyn óteýі kerek. Sondaı-aq bul somaǵa 123 182 teńge memlekettіk baj salyǵy da qosylady.