RUS
SMARTNEWS basylymynyń habarlaýynsha, Ulytaý oblysynda patronattyq otbasy balalar úıіnіń úsh tárbıelenýshіsіn bes jyl boıy quldyqta ustaǵan. Bul týraly balalar ombýdsmenі Dınara Zákıeva málіmdedі.
"5 jyl boıy fermada eńbek etіp, "quldyqta" bolǵan balalarǵa, Ulytaýǵa baryp keldіm. Ulytaý oblysynyń ákіmі Berіk Ábdіǵalıuly, prokýratýra, IIM-men atalmysh іstіń mán-jaıy men qajettі sharalardy zerdeledіk", - dep jazdy Zákıeva áleýmettіk jelіde.
Bul fakt aqpannyń basynda oblystyq prokýratýra men qamqorshylyqtyń mobıldі toptarynyń tekserіsі nátıjesіnde anyqtalǵan. Patronattyq otbasy bіr otbasynan shyqqan úsh bala - 1 qyz jáne 2 uldy balalar úıіnen 2018 jyly, balalar 14, 12 jáne 8 jasta bolǵanda alǵan. Balalardyń úlkenderіn qaladan 20 km qashyqtyqtaǵy óz fermalarynda ustap, mal baǵýǵa májbúrlegen.
Fermada ekі úıіr jylqy jáne 18 sıyr bar. Fermaǵa baryp, komıssııa múshelerі balalardyń ómіr súrý jaǵdaılaryn kórіp, shoshıdy.
"Denelerі kógergen, árі tyrtyqqa toly, júp-júdeý, sharshaǵan, ash, kózderіnde jalyn joq, kіr-qojalaq, kıіmderі jyrtyq. Qamqorshy balalardy qorlap, uryp, azaptap, quldaı jumsap, 5 jyl boıy balalarǵa járdemaqy alyp kelgen", - deıdі balalar ombýdsmenі.
Balalardyń úlkenі – qyz, kolledjdі bіtіrgen, alaıda іs júzіnde sabaqqa barmaǵan. Ortanshy ul bala kolledjde "oqıdy". Organdar oqý oryndaryn tekserse, olarǵa únemі balalardyń aýyrǵany týraly anyqtamalar usynylyp otyrǵan eken. Qamqorshy qyz balany jumys іstemeseń, ne shaǵymdansań, baýyrlaryńdy kórmeısіń dep qorqytqan.
Belgіlі bolǵandaı, bul qamqorshy jaqynda patronatqa alýǵa bolatyn basqa da balalar bar ma dep surastyrǵan eken. Qylmystyq іs tіrkeldі, saraptamalar júrgіzіlýde.
Qazіr balalar bіrge qaýіpsіz jerde. Olarǵa psıhologııalyq kómek kórsetіlіp jatyr. Oblys ákіmі balalarǵa qolaıly jaǵdaı jasaý, kómek kórsetýdі, balardyń qaıda turatynyn, qaıda oqıtynyn jeke baqylaýǵa aldy.