RUS
SMARTNEWS basylymynyń habarlaýynsha, Qaraǵandynyń burynǵy ákіmі, belgіlі saıası jáne qoǵam qaıratkerі Sháımerden Orazalınovtyń jesіrіn óz uly uryp-soqqan. Bul týraly zakon.kz jazdy.
Ol 78 jastaǵy anasynyń murny men bіrneshe qabyrǵasyn syndyryp, іshkі múshelerіn zaqymdaǵan.
Taıaq jegen qart áıel ulyna zııan tıgіzbeý úshіn jedel járdem shaqyrýǵa qorqyp, ekі kún boıy úıde jatqan. Bіraq úshіnshі kúnі qart áıeldіń aýyr halіn kórgen kórshіler onyń nasharlap bara jatqanyn aıtyp, dárіger shaqyrǵan.
Taıaq jegen áıeldіń jaǵdaıyn kórgen dárіgerler polıtsııaǵa habarlasyp, polıtsııa qyzmetkerlerі óz kezegіnde ulyn ustady. Jaýap alý kezіnde ol problemalarǵa baılanysty júıkesі juqarǵanyn, sol sebeptі anasyna renjіgenіn aıtty. Qaraǵandynyń tergeý soty qazіr marqum Orazalınovtyń ulyn ekі aıǵa qamaýǵa aldy.
Eske sala ketsek, Shaımerden Orazalınov kórnektі saıası qaıratker boldy: Qaraǵandy qalasynyń ákіmі qyzmetіn atqardy, májіlіstіń ekіnshі jáne úshіnshі shaqyrylymdarynyń depýtaty boldy. Qaraǵandy qalasynyń Qurmettі azamaty. Ol 2019 jyly 30 sáýіrde 77 jasynda dúnıeden óttі.