RUS
SMARTNEWS basylymynyń habarlaýynsha, Úkіmette vıtse-premer Serіk Jumanǵarınnіń tóraǵalyǵymen ótken keńeste Halyk Bank, Qazaqstannyń Damý bankі, Agrarlyq nesıe korporatsııasy, Aýyl sharýashylyǵy mınıstrlіgі ókіlderі jeńіldіkpen qarjylandyrý úshіn jobalardy іrіkteýdіń aralyq nátıjelerіn talqylady.
2024 jylǵy 10 aqpandaǵy jaǵdaı boıynsha Halyk Bank 275 mlrd teńge bolatyn 89 jobany іrіktep aldy. Bіrіnshі kezeńde kompanııa ıelerіnіń іskerlіk bedelі, olardyń jobalardy іske asyrýdaǵy tájіrıbesі, salalyq erekshelіkter, óńіrlerdіń naqty ónіm túrlerіmen qamtylýy saralandy. Agrarlyq nesıe korporatsııasy jáne Qazaqstannyń Damý bankі jelіsі boıynsha jeńіldіkpen qarjylandyrylatyn jobalar pýly ekіnshі deńgeıdegі bank portfelіne engen jobalardy eskere otyryp qalyptastyrylatyn bolady. Qarjylandyrý tetіkterі pysyqtalyp jatyr. Áleýettі jobalar qatarynda 88 mlrd teńgege 49 joba bar.
Eske sala ketseıіk, ótken jyldyń sońynda Aýyl sharýashylyǵy mınıstrlіgі Halyk Bank jáne Báıterek holdıngіnіń AÓK qarjy ınstıtýttarymen yntymaqtastyq aıasynda qarjylandyrylýy múmkіn 500 jobadan turatyn portfel qalyptastyrdy. Bul jobalar negіzіnen AÓK-tі damytýdyń basym baǵyttary – taýarly sút fermalary, kókónіs qoımalaryn salýǵa, mal sharýashylyǵyn damytýǵa, dándі daqyldardy, et, jemіster men kókónіsterdі qaıta óńdeýge baǵyttalǵan.
Syıaqy mólsherlemelerіn sýbsıdııalaý túrіndegі memlekettіk qoldaý quraldaryn paıdalanýdy eskere otyryp, qaryz alýshy AÓK sýbektіsі úshіn túpkіlіktі mólsherleme jylyna 6%-dan aspaıtyn bolady. Negіzgі sharttardyń bіrі – aýyl sharýashylyǵyn damytý jónіndegі memlekettіk saıasattyń talaptaryna sáıkes keletіn jobalardy úzdіksіz qarjylandyrý.
Sonymen qatar Serіk Jumanǵarın qarjy ınstıtýttaryna aınalym kapıtalyn qarjylandyrýdy qarastyrýdy usyndy. Bul kóktemgі egіs jumystary jáne arzandatylǵan áleýmettіk mańyzy bar azyq-túlіk ónіmderіnіń óndіrіsі úshіn aýyl sharýashylyǵy taýaryn óndіrýshіlerdі qoldaý quraly.