RUS
Joba sheńberіnde jastarǵa 1 mıllıon teńge sheńberіnde 280 shaǵyn grant berý kózdelgen.
QR Mádenıet jáne aqparat mınıstrlіgі Jastar jáne otbasy іsterі komıtetіnіń tóraǵasy Qaırat Qambarovtyń aıtýynsha, joba elіmіzdіń barlyq 20 óńіrіnde іske asyrylady. Baıqaýǵa NEET sanatyndaǵy (ekonomıkalyq, áleýmettіk nemese saıası faktorlarǵa baılanysty jumys іstemeıtіn, oqymaıtyn jastar) 18-35 jasqa deıіngі jas qazaqstandyqtar qatysa alady.
«2022 jyldan berі jastardy jergіlіktі qoǵamdastyq qyzmetіne qaıta tartý maqsatynda «Zhas project» granttyq baǵdarlamasy іske asyrylyp jatyr. Joba ómіrlіk mańyzdy daǵdylardy damytýǵa jáne qoǵam ómіrіne qatysýǵa, jeke tulǵa men áleýmettіk ınstıtýttar arasynda senіm ornatýǵa, áleýmettіk jobalardyń turaqty ekonomıkalyq modelіn qurýǵa baǵyttalǵan. Áleýmettіk mańyzy bar bıznes-jobalardy oqytý men іske asyrý arqyly NEET sanatyndaǵy jastar oń jáne nátıjelі qyzmetke tartýdyń bіregeı tájіrıbesіn alady», - dedі Q.Qambarov Ortalyq kommýnıkatsııalar qyzmetіnde ótken baspasóz máslıhatynda.
Baıqaýǵa usynylatyn jobalar jergіlіktі qoǵamdastyqtyń áleýmettіk máselelerіn sheshýge baǵyttalyp, 4 aıdan aspaıtyn merzіmde іske asyrylýy qajet. Shaǵyn granttardy іske asyrýda bіlіktі jattyqtyrýshylardy, tálіmgerlerdі, psıhologtardy jáne áleýmettіk jobalardy іske asyrý mamandaryn tarta otyryp, jastarǵa zańgerlіk jáne konsýltatsııalyq qoldaý uıymdastyrylady.
Jobany sapaly árі tıіmdі іske asyrý úshіn ár óńіrde jobalyq keńse ashyldy, koll-ortalyqtar quryldy, jastar jobalaryn qabyldaý úshіn saıttar ashyldy. Azamattyq bastamalardy qoldaý ortalyǵynyń cisc.kz resmı saıtynda arnaıy «Zhas project» paraqshasynda ár óńіrdіń baılanys telefondary kórsetіlgen.
2024 jylǵy 15 mamyrda ınternet-resýrstar men áleýmettіk jelіlerde іrіkteý nátıjelerі jarııalanady. Al qarasha aıynda úzdіk jobalardyń qatysýymen qorytyndy forým ótedі.