"10 sekýndtyq sahna úshіn 800 myń teńge berdіk":"Jezdýha" kınosyna túsken eń qymbat akter kіm

Jobanyń avtorlary – “Mıllıon” komandasy. Stan.kz aqparat agenttіgіnіń málіmetіnshe, olar fılmge qansha qarajat jumsap, eń qymbat qalamaqy alǵan akterdyń atyn atady. 

“Arqadan aýyr júk túskendeı kúıde júrmіz. Bіr jaǵy qýanamyz. Odan keıіn ýaıym da basym. Jasaǵan dúnıemіz eldіń kóńіlіnen shyǵar ma eken?” degen kúdіk te bar. Endі ǵana úlken ekranǵa jol tartty ǵoı, bastamasy jaman emes sekіldі. Shymkenttіkterge unady dep estіp jatyrmyz. Óner ordasy Almaty men Astana qalaı qarsy alady eken?!. Tolyqmetrlі fılm túsіrý ıdeıasyn kórermennіń ózі usyndy. 170 mıllıon teńgege túsіrdіk. 70 mıllıondy qaryzǵa aldyq. Bızneste júrgen aǵalarymyz demeýshі boldy”, – dep aǵynan jaryldy komanda múshesі Qanat Tashan. 

Sonymen qatar, fılmge túsken gonarary eń qymbat akterdyń atyn atady. 

“10 sekýndtyq sahna úshіn Tuńǵyshbaı Jamanqulovqa 800 myń teńge berdіk. Túsіrіlіm bas-aıaǵy 30 mınýtqa sozyldy. Ol fılmde 10 sekýndtyq kórіnіs boldy. Qansha jyldan berі ónerde júrgen adam bolǵasyn, qansha teńge aıtsa da, berýge daıyn boldyq. Eń qyzyǵy, sol aǵamyzdyń aıtqan ázіlіnde halyq qatty kúldі. Fılmge at salysqan barlyq ártіstі renjіtpeýge tyrystyq. Saltanat Serkebaevaǵa 1 mıllıon 800 myń teńge tóledіk, Nyshanbek aǵamyz 2 mıllıon teńgeden joǵary aldy. Óıtkenі ol kіsіnіń túsіrіlіm alańyndaǵy kúnі kóp boldy”, – dep jaýap berdі joba avtorlary.