RUS
Búgіngі tańda «Maıqaıyńaltyn» AQ-da shtattaǵy qyzmetkerler sany 933 adamdy qurap otyr. Onyń іshіnde 143 adam jyl saıynǵy eńbek demalysynda, 30 qyzmetker bala kútіmіne, 42 qyzmetker ýaqytsha eńbekke jaramsyzdyǵyna baılanysty demalysta. Taǵy 5 er azamat QR Qarýly Kúshterі qatarynda áskerı boryshyn ótep júr.
Buǵan deıіn habarlaǵanymyzdaı, kenіshtegі apat pen onyń mańyndaǵy úılerdіń máselesіn prokýratýra qurǵan tergeý toby zerdelep jatqanyna baılanysty shahtadaǵy ken qazý jumystary 4 qańtardan berі qańtarylyp tur.
Soǵan baılanysty búgіngі tańda jalaqysynyń 50%-y tólene otyryp 153 qyzmetkerdіń jumysy toqtap tur. Olar - shahtanyń 109 qyzmetkerі jáne taý-ken tehnıkasy ýchaskesіnde jumys іsteıtіn 44 adam.
Endі osy aptanyń ortasynan, ıaǵnı 22-23 aqpannan bastap altyn kenіshіne qarasty ken baıytý fabrıkasynyń da jumysy ýaqytsha toqtaıdy.
Bul týraly Pavlodar oblysy eńbek basqarmasy basshysynyń mіndetіn atqarýshy Abylaı Sabyrov habarlady.
- «Maıqaıyńaltyn» AQ jumys berýshіsіnіń aýyzsha túsіndіrmesіne sáıkes, qazіrgі ýaqytta kásіporyn fabrıka jumysyn toqtatýǵa daıyndyq júrgіzіp jatyr. Shamamen bıylǵy jyldyń 22-23 aqpanynan bastap toqtatylady dep josparlanýda. Bul rette kásіporyn qyzmetkerlerіne jalaqysynyń 50%-y tólenetіn bolady. Jumysy ýaqytsha toqtatylatyn qyzmetkerlerdіń sany týraly aqparatty kásіporyn pysyqtaý ústіnde. Naqty sanyn «Maıqaıyń-altyn» AQ basshylyǵy osy aptanyń sońyna deıіn habarlaýy kerek. Jumys berýshіnіń aqparaty boıynsha qyzmetkerlerdі tolyq jumystan bosatý máselesі qarastyrylmaǵan. Fabrıka bıylǵy jyldyń 1 sáýіrіnen bastap qaıtadan іske qosylady,-deıdі A.Sabyrov.
Belgіlі bolǵandaı, fabrıka 4 qańtarda shahta jumysyn toqtatqanyna baılanysty qaldyq qoımadaǵy shıkіzatty paıdalanyp kelgen. Kenіshtegі apattyń sebep-saldary tolyq zerdelenіp bіtkenshe shahta jabyq bolady. Soǵan sáıkes fabrıka da óz jumysyn jalǵastyra almaýda.