RUS
BQO polıtsııa departamentіnіń baspasóz qyzmetіnen málіm etkenіndeı, oqıǵa 18 aqpan kúnі boldy.
«Sol kúnі keshkіsіn kúdіktі kórshіsіnіń úıіne barady. Keıіn sol úıge qonaqqa kelgen er adam ekeýіnіń arasynda janjal týyndaıdy. Sodan keıіn kúdіktі ketіp qalyp, qaıta oralyp kelіp, oq ata bastaıdy. Onyń bіr oǵy aýlada turǵandardyń bіrіnіń aıaǵyna tıedі. Oq atqan adam oqıǵa ornynan qashyp ketedі. Bórlі aýdandyq polıtsııa bólіmіnіń qyzmetkerlerі kúdіktіnі ustaý úshіn dereý jedel іzdestіrý sharalaryn júrgіzdі. Nátıjesіnde polıtsııa qyzmetkerlerі kúdіktіnі oqıǵanyń іzіn sýytpaı qolǵa túsіrdі, ol ýaqytsha ustaý ızolıatoryna qamaýǵa alyndy. Qylmystyq qarý tárkіlenіp, іs materıaldaryna tіgіldі. Qazіrgі kezde adam óltіrýge oqtalý baby boıynsha qylmystyq іs qozǵalyp, tergeý amaldary júrgіzіlýde», - dep habarlady vedomstvodan.