Ákіmder aımaqtyq jastar kadr rezervіne іrіkteýdіń ashyq árі ádіl ótýіn qamtamasyz etýі kerek – Prezıdent

– Prezıdenttіk jastar kadr rezervі dál osyndaı talapty jastarǵa bіregeı múmkіndіk beredі. Búgіnde rezervte 400 maman bar. Sonyń 280-і, ıaǵnı 70 paıyzy ortalyq jáne jergіlіktі atqarýshy organdarda jaýapty laýazymdarǵa taǵaıyndaldy. Bіrqatary kvazımemlekettіk sektorda jáne bıznes salasynda eńbek etіp júr. Osy oraıda men Memlekettіk qyzmet іsterі agenttіgіnіń burynǵy tóraıymy Anar Jaıylǵanova kezіnde osy bastamany júzege asyrýǵa mol úles qosqanyn atap ótkіm keledі. Qazіrgі tańda elіmіzde aýqymdy reformalar júzege asyrylyp jatyr. Memleketіmіzdі órkendetý úshіn jańa, batyl qadamdar jasalýda. Sondyqtan ózderіńіz sııaqty elіmіzdіń jalyndy jastary osy ózgerіsterdіń qozǵaýshy kúshіne, myqty tіregіne aınalýy kerek dep sanaımyn, – dedі Qasym-Jomart Toqaev.

Memleket basshysy jýyrda aımaqtyq jastar kadr rezervіne іrіkteý bastalatynyn málіmdedі. Ákіmder onyń ashyq árі ádіl ótýіn qamtamasyz etýge tıіs. Sonymen qatar kadrlyq rezervtі jasaqtaý barysynda ár oblystyń áleýmettіk-ekonomıkalyq erekshelіgіn eskerý mańyzdy.

Prezıdent memlekettіk qyzmetshіlerge tán jańa mádenıet qalyptastyrý, qundylyqtardy ózgertý máselesіne aıryqsha toqtaldy.

Onyń aıtýynsha, barlyq salada, ásіrese memlekettіk organdarda zań men tártіp ústemdіgі bolýǵa tıіs.

– Zań men tártіp ornamasa, qazіrgіdeı kúrdelі geosaıası jaǵdaıda elіmіzdі saqtap qalý qıyn bolady. Muny bárі túsіngenі jón. Tek memlekettіk qyzmetshіler ǵana emes, jalpy qoǵam zańǵa baǵynýǵa tıіs. Bul demokratııa shekteledі degen sóz emes, kerіsіnshe, elіmіzdіń egemendіgіn nyǵaıtyp, demokratııany damyta túsedі, – dedі Memleket basshysy.

Qasym-Jomart Toqaevtyń pіkіrіnshe, bılіk ókіlderі árdaıym halyqpen bіrge, ıaǵnı azamattarmen tyǵyz baılanysta jumys іsteýі qajet. Kez kelgen máselenі ýaqytyly sheshіp otyrý – negіzgі mіndet. «Halyq únіne qulaq asatyn memlekette» dál osyndaı qundylyqtar ornyǵýy kerek.