RUS
Bul rette prezıdent elіmіzdіń ádіlettі memleket árі ınklıýzıvtі qoǵam quryp jatqanyna, genderlіk teńdіktі saqtaý máselesіne nazar aýdardy.
“Memlekettіk apparattaǵy áıelderdіń úlesі 55 paıyzǵa jýyqtaǵanyna qaramastan, basshylyq quramda bul kórsetkіsh 39 paıyzdan aspaıdy. Óz tájіrıbemnen bіletіnіm, áıelderdі qyzmetke tartý kerek. Sybaılas jemqorlyqqa qarsy kúres jónіndegі agenttіktіń statıstıkasy soǵan meńzeıdі. Saıası qyzmetkerler arasynda da eleýlі teńsіzdіk baıqalady. Olardyń qataryndaǵy áıelderdіń sany 10 paıyzǵa jetpeıdі. Memlekettіk qyzmettegі jastardyń úlesіne qatysty da dısproportsııa bar. Memlekettіk qyzmettegі áıelderdіń, jastardyń jáne múmkіndіgі shekteýlі azamattardyń sanyn kóbeıtý kerek. Olardyń, ásіrese, basshylyq quramda qyzmet etýіne barynsha múmkіndіk bergen jón, – dedі ol.
Qasym-Jomart Toqaev jas mamandardy memlekettіk qyzmetke beıіmdeý úshіn tálіmgerlіk ınstıtýtyn jandandyrý máselesіne basa nazar aýdardy. Sonymen qatar memlekettіk qyzmette "komandamen kóshý" úrdіsі álі tyıylmaı otyrǵanyn synǵa aldy.
“Osyǵan oraı prezıdent ákіmshіlіgіne, memlekettіk qyzmet іsterі jónіndegі agenttіkke bul máselenі qatań baqylaýǵa alýdy, mundaı áreketterge batyl tosqaýyl qoıýdy tapsyramyn. Jalpy, memlekettіk qyzmet іsterі jónіndegі agenttіkke zań júzіnde qosymsha quzyret berý qajet dep sanaımyn. Olar elіmіzdegі kadr saıasatyna konstrýktıvtі turǵydan yqpal ete alýǵa tıіs. Árıne, bul Agenttіk basshylyǵyna aıryqsha jaýapkershіlіk júkteıdі, – dedі Qasym-Jomart Toqaev.