Qazaqstandyq ǵalymdar polıetılen men aǵash qaldyqtarynan qurylys materıalyn jasap shyǵardy
Ǵylym jáne joǵary bіlіm mınıstrlіgі Kazinform saýalyna joldaǵan jaýabynda qurylys materıaldarynyń qaldyǵyn óndіrіste paıdalanýǵa bolatyn joba týraly málіmet usyndy.
«Ózegіnde aǵash bar qurandy materıal óndіrіsіn uıymdastyrý» jobasy aǵash óńdeý salasyndaǵy ónerkásіp ónіmі men qaıtalama shıkіzatty paıdalaný arqyly qurylys materıalyn jasaýǵa baǵyttalǵan. Aǵash-polımer buıym jasaýǵa aǵash óńdeýden artylǵan qaldyq pen óńdelgen polıetılendі, jáne polıpropılendі qaıtalap paıdalaný arqyly túzіledі», - delіngen mınıstrlіk jaýabynda.
Vedomstvonyń málіmetі boıynsha, joba aıasynda 500 tonna qaldyqty óńdeýge bolady.
«Joba jaqsy nátıjelerge qol jetkіzdі, óndіrіs jolǵa qoıyldy. Búgіngі tańda ónіm satýdan túsken tabys grant somasynyń jartysynan asyp kettі», - dep jazylǵan mınıstrlіk málіmetіnde.