Astanadaǵy alyp saǵattyń jabdyqtaryn urlaǵandar tabylmaı jatyr
2019 jyldan berі Esіl jaǵalaýyndaǵy alyp saǵat jumys іstemeı tur. Onyń toqtaý sebebі – saǵattyń energııamen jabdyqtaý kabelderі men basqa da kerek-jaraqtaryn urlap ketken.
Kazinform habarlaýynsha, Polıtsııa departamentіnіń habarlaýynsha, qylmystyq іstі «Esіl» aýdanynyń basqarmasy QR Qylmystyq kodeksіnіń 188-baby boıynsha «Jastar saraıy» dırektorynyń ótіnіshі negіzіnde qozǵaǵan.
«Sotqa deıіngі tergep-tekserý nátıjesі boıynsha qylmystyq іs júrgіzý QR Qylmystyq-protsestіk kodeksіnіń 45-baby 7-bólіgі 1-tarmaǵynyń negіzіnde, ıaǵnı qylmys jasaǵan adamnyń tabylmaǵany úshіn toqtatyldy. Bul sheshіm Astana qalasynyń «Esіl» aýdanynyń prokýratýrasymen kelіsіldі. Sonymen qatar kúdіktі adamdy anyqtaý boıynsha jedel-іzdestіrý іs - sharalary jalǵasyp jatyr», - delіngen qalalyq polıtsııanyń Kazinform agenttіgіnіń saýalyna bergen jaýabynda.
Óz kezegіnde qalalyq Ýrbanıstıka ortalyǵy tehnıkalyq zertteý júrgіzý jáne sýburqaqty іske qosý úshіn jeke kompanııalardy tartý máselesіn qarastyrǵanyn habarlady.