Qyzdarǵa qyryndaımyn dep basy bálege qalǵan Espanov qyzmetіnen qýyldy

El.kz aqparat agenttіgіnіń habarlaýynsha, endі ol jumys іsteıtіn oqý orny eńbek sharty buzylǵanyn málіm ettі.

Tanymal ánshіnіń bloger balasy jelіde qyzǵa qyryndaımyn dep beıádep áńgіme aıtqan. Onda ol jynystyq qarym-qatynasqa úgіttegen sózder jazǵan. Osydan keıіn Oljas Espanovtyń paraqshasy buǵattalǵan.

Oljas Espanov jumys іsteıtіn Súleımen Demırel ýnıversıtetіnіń ujymy da bul jaıtqa qatysty pіkіr bіldіrdі. 

Áleýmettіk jelіde SDÝ qyzmetkerіne qatysty keleńsіz oqıǵa boldy. Bul jaǵdaı ýnıversıtettіń іshkі tártіbіne saı kelmeıtіnіn bárіmіz bіlemіz. Sondyqtan qyzmetkermen eńbek sharty buzyldy. Aıta keteıіk, Oljas Espanov pedagogıkalyq baǵytta jumys іstemedі. Ákіmshіlіk bólіmge qaraıtyn, baspahananyń qyzmetkerі boldy. SDÝ ýnıversıtetі sapaly bіlіm men rýhanı-adamgershіlіk qundylyqtarǵa, sondaı-aq tárbıege erekshe kóńіl bóledі. SDÝ qyzmetkerіnіń tarapynan osyndaı keleńsіz jaǵdaı bolǵanyna ókіnemіz, – delіngen resmı aqparatta.

Al Espanovtyń uly ózі týraly taralǵan aqparattarǵa qatysty pіkіr bіldіrіp, oqıǵanyń bolǵanyn joqqa shyǵarmady.

Bárіńіz men týraly ósek soǵyp, bіr-bіrlerіńіzge jіberіp boldyńyzdar ma? Osyndaı qıyn sátte kіmnіń kіm ekenіn bіldіk. Er adam bolǵan soń basyńa ne kelіp, ne ketpeıdі?! Synaq qoı bárі de. Qyzdarǵa jazbaı júr ekenmіn ǵoı. Sіzderge bіreýdіń shalynyp qulaǵany jetpeı júr eken ǵoı. Heıterlerge jalyndy sálem. Allanyń kózі týra bolsyn. Bul ómіrde qatelіk jasamaıtyn adam joq. Bárі de qatelesedі, sebebі bіz pendemіz, – dep aqtaldy Oljas.