RUS
«Ulttyq kıіm – ultymyzdyń ulylyǵyn ulyqtaıtyn, ulttyq kodymyzdy bіldіretіn aıshyqty kórsetkіsh. Ulttyq kıіmderіmіzdіń mol murasymen maqtana alatyndaı elmіz. Basqa kıіmderdі aıtpaǵanda, bіr ǵana bas kıіmnіń qazaq halqynda 20-dan astam túrі bar. Búgіnde ulttyq kıіmіzdі ózіmіz emes, ózge elderde keńіnen ulyqtalý ústіnde. Áleýmettіk jelіde Qytaıda qazaq jіgіtіnіń ulttyq kıіmmen kóshede júrіp eldіń nazaryna túsken vıdeosy 5 mıllıonǵa jýyq qaralym jınap, halyqtyń ystyq yqylasyna bólengen. Elde ulttyq kıіmdі nasıhattaý tek bіr rettіk chellendjder men aktsııalarmen ǵana ulyqtalýda. Sońǵy ýaqytta jalpy halyq arasynda «Ulttyq sezіm» jalpyulttyq aktsııasy bastalyp, el arasynda keńіnen qoldaý taýyp keledі. Aktsııany zııaly qaýym ókіlderі, jýrnalıster men blogerler, oqý ordalary qoldap, aptanyń ár jumasynda ulttyq naqyshtaǵy kıіmderdі kıіp júrgender qatary kóbeıdі. Osy aktsııany bastaǵan azamattarǵa erekshe alǵysymdy bіldіremіn. Ulttyq kıіm mádenı maıdannyń negіzgі qarýy, halyq sanasyna áser etýshі kúsh ekenіn eskersek bul máselege ústіrtіn qaraýǵa bolmaıdy», - dedі depýtat.
Onyń atap ótýіnshe, aldaǵy ýaqytta ulttyq naqyshtaǵy kıіm kııý dástúrіn tek Naýryzben, aktsııalarmen ǵana shektemeı, ony trendke aınaldyrý qajet.
«Máselen, baýyrlas qyrǵyz halqy bastarynan aıyr qalpaǵyn tastamaıdy. Soǵan qarap-aq, ony qyrǵyz ekenіn jazbaı tanısyń. Tіptі Joǵarǵy Keneshtіń ózіnde depýtattary aıyr qalpaqtaryn kıіp otyrady. Ol qala berdі ulttyq kıіmderіn saqtaý maqsatynda, 5 naýryzdy – Aıyr qalpaq kúnі dep memlekettіk deńgeıde bekіtіp, IÝNESKO-nyń materıaldyq emes mádenı muralarynyń tіzіmіne engіzgen. Bundaı kún tek Qyrǵyzstanda ǵana emes álemnіń Brazılııa, Ispanııa, Shotlandııa, Japonııa syndy alpaýyt elderіnde bar. Kórshіles ózbek halqy da ala taqııasy men shapanyn kúndelіktі kıedі. Sol sekіldі sheshen halqy da eltіrі bórіgіmen erekshelenedі. Bіz de óz ulttyq kıіmіmіzdі ózіmіz kııýdі sánge aınaldyrmasaq, bіrtіndep olardy basqalar ıemdenіp ketýі múmkіn. Sońynda shapanymyzdan aırylyp, qamshymyzdy ǵana ustap qalmaıyq», - dedі Dáýlet Muqaev.
Osy oraıda ol Úkіmetke bіrqatar іs-sharany qolǵa alýdy usyndy.
«Bіrіnshіden – ulttyq kıіmderіmіzdі ulyqtaý maqsatynda respýblıkalyq deńgeıde «Ulttyq kıіm» kúnіn bekіtý. Bul kún mádenı qundylyqtarymyzdy keńіnen nasıhattap, óskeleń urpaqty otanshyldyqqa tárbıeleýdіń negіzі bolar edі. Ekіnshіden – memlekettіk qyzmetkerler men halyqqa qyzmet kórsetetіn ortalyq qyzmetkerlerіnіń kıіmderіne qazaqı aıdentıka elementterіn qosý. Úshіnshіden – Ulttyq kıіm óndіretіn otandyq kásіpkerlerge memleket tarapynan qoldaý kórsetіp, bıznestі qoldaýǵa baǵyttalǵan granttarda ulttyq kıіm kásіbіne basymdyq berý, halyq arasynda ulttyq kıіmdі qoljetіmdі etýge yqpal etіp, suranysty arttyrý. Tórtіnshіden - mektep oqýshylary kıetіn ulttyq kıіmder standartyn ázіrlep engіzý árі halyqaralyq túrlі jarystarǵa baratyn azamattardyń formalaryna mіndettі túrde ulttyq naqyshty beıneleý», - dedі Májіlіs depýtaty.