RUS
Kazinform habarlaýynsha, bul qylmys jaıynda búgіn SQO prokýrorlary vedomstvoaralyq keńeste aıtty. Oqıǵa 18 qańtar kúnі bolǵan. Áıelge spırttіk іshіmdіk іshýge kelgen «dostary» keıіn onyń qyzyn zorlaǵan. Prokýrorlardyń pіkіrіnshe, bul qylmystyń aldyn alýǵa bolar edі. Bіraq kámelet jasyna tolmaǵandarmen jumys jónіndegі komıssııa óz mіndetіne júrdіm-bardym qaraǵan.
«Osy qylmysqa qatysty sotqa deıіngі tergeý júrіp jatyr. Osy oqıǵanyń aldynda bіr aı buryn mektep aýdandyq ákіmdіk janyndaǵy kámelet jasyna tolmaǵandar jónіndegі komıssııaǵa іshіmdіkke salynǵan áıeldі ata-ana quqyǵynan aıyrý jónіnde ótіnіshhat joldaǵan. Bіraq komıssııa ony der kezіnde qaramaı, tek oqıǵa bolǵannan keıіn qańtar aıynda ǵana qaraǵan», - deıdі oblys prokýrorynyń aǵa kómekshіsі Vıktor Naıda.
Al Jambyl aýdanynda bіr úıdіń ekі balasy ekі jyl boıy mektepke múlde barmaǵan. Áke-sheshesі bіrneshe ret eskertіlgenіmen, másele sheshіmіn tappady. Sondyqtan qazіr olarǵa qatysty ústerіnen іs qozǵalyp, ata-ana quqyǵynan aıyrý jazasy qoldanylmaq.