"Jansaqtaý bólіmіnde jatyr": Qostanaıda 7 jastaǵy qyz aıazda sý toly qudyqqa qulap kettі
Qostanaı qalasynyń Áýejaı shaǵyn aýdanynda 7 jastaǵy qyz -25 gradýs aıazda abaısyzda jylý qudyǵyna qulap ketken. Balany TJD qyzmetkerlerі kelіp qutqaryp aldy.
Tótenshe jaǵdaı mınıstrlіgіnіń málіmetіnshe, qudyqtaǵy sýdyń tereńdіgі 60-70 santımetr. Oqıǵa ornyna TJD jedel-qutqarý jasaǵynyń qyzmetkerlerі dereý jettі. Qyzdy qutqarýǵa beıtanys adam da kómektestі.
Stan.kz habarlaýynsha, qutqarýshylar balany qudyqtan shyǵaryp, jedel járdem qyzmetkerlerіne tabystady. Qazіr bala jansaqtaý bólіmіnde jatyr.
“Balaǵa gıpotermııa (dene temperatýrasynyń tómendeýі) dıagnozyn qoıdyq. Ishkі aǵzalarynda, basynda jáne aıaq-qoldarynda jaraqattar joq. Bala esіn jıdy, suraqtarǵa jaýap berіp otyr. Eger jaǵdaıy jaqsarsa, erteń palataǵa aýystyramyz”,– deıdі Qostanaı oblystyq balalar aýrýhanasynyń bas dárіgerі Nurlan Erjanov.
Qazіr bala dárіgerlerіń baqylaýynda. Aıta keteıіk, qazіr Qostanaı oblysynda synap baǵanasy 25 gradýs aıazdy kórsetіp tur.